Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 12 di novèmber 2022.
Kompilá: djabièrnè 11 di novèmber 2022, 05:00 o.l. (09:00 UTC).
KÓDIGO HEL: .UN MENSAHE DI PREKOUSHON PA MAL TEMPU TA NA VIGOR PA KÒRSOU.
Tempu: Shelu ta kontinuá basta nublá i de bes en kuando ku áwaseru i welek ku bos lokalmente.
Temperatura máksimo lo alkansá 29ºC i temperatura mínimo 25ºC.
Solo ta sali 06:32 i ta baha 18:08 o.l.
Bientu: Direkshonnan prinsipalmente entre nortost i ost i suak te moderá; forsa 2 te 3 (7 te 19 km/ora, 4 te 10 nudo). Den áwaseru nan mas fuerte, de bes en kuando moderá te basta fuerte den ráfaga; forsa 4 te 5 (20 te 39 km/ora, 11 te 21 nudo).
Situashon general: Kondishon atmosfériko ta keda faborabel pa nubianan signifikante sigui pasa den nos área, di manera ku awa lo kai riba parti nan di e isla durante di próksimo 24 ora. Esaki, pa motibu ku un ola tropikal ta avansando wèst riba sekshon ost di Karibe. Algun di e áwaseru por ta fuerte i kousa molèster na sierto lugá nan riba e isla.
Kondishon di laman: Por lo general trankil ku altura di olanan entre 0.5 i 1.5 meter (2 pa 4 pia).
Sistemanan signifikante di wer tropikal: Ningun.
Fenómeno spesial: Ningun.
Perspektiva te djadumingu mainta: Shelu lo ta generalmente hopi nublá ku algun áwaseru, kompañá pa welek i bos. E forsa di bientu ta oumentá un tiki.
Meteorólogo: Rombley
