Kiara Arends lo competi na New Orleans na januari awo

A caba di keda anuncia cu e proximo certamen di Miss Universe lo ta transniti for di New Orlean, Louisiana na Merca. E Miss Universe Organization a bisa cu e ciudad rico den cultura den sur di Merca lo ta e sede di e di 71 competencia, reuniendo casi 90 hende muhe for di rond mundo. E eleccion ta dia 14 di januari.

“E ciudad di New Orleans y Miss Universe Organization ta comparti balornan en comun di celebra inclusion, cultura y e empoderamento di hende muhe,” asina e alcalde di New Orleans, LaToya Cantrella a bisa.

El a comunica a traves di nota di prensa cu e ex candidata y ganadonan di e certamen a bira despues ciruhano, diplomatico, politico y lider comercial, añadiendo cu “nan tur ta promove causanan social cu ta importante pa nan.”

E competencia lo ta transmiti un diasabra for di e convention center di e ciudad, segun e comunicado di prensa. Aña pasa e certamen a tuma luga na Eilat, Israel pa cual mester a hacie mey anochi pa asina por a acomoda e audiencia Mericano.

E transmision en bibo ta cera asina e reinado di e di 70 Miss Universe, e actriz di Bollywood Harnaaz Sandhu di India, na e momento cu e corona e ganado nobo.

“No tin un luga manera New Orleans. E ciudada vibrante aki ta na top di nos lista como sede pa algun tempo door di su historia cultural rico, como tambe su escena artistico, di entretenimento y culinario,” asina Paula Shugart, presidente di Miss Universe Organization a bisa.

Kiara Arends ta e representante di Aruba den e edicion aki. Coronacion di Arends a tuma luga na fin di juli y for di e momento ey ta realisando su preparacion, di manera intensivo.

Recientemente e tabata na New York pa acudi na e sede di e Miss Universe Organization, ademas di a cera contacto pa su fundacion, haci sesion di potret y tambe a participa den e New York Fashion Week.