KFC ta orguyoso di “E Duo dinamico”

Diadomingo 9 di october e duo dinamico di Brainer Lampe y Disjonrick Jacobs a participa na e Banana Run organisa door di Compra.

KFC ta sintie hopi orguyoso di e duo aki, ya cu nan tin varios luna ta preparando pa asina diadomingo 27 di november nan por logra nan gran hazaña di landa 1.9 km, core 90 km riba bais y core 21 km na pia. “RACE HOPE FOR ALL”

Tur esaki lo sosode di e siguiente forma. Brainer Lampe lo landa e 1.9 km cu Disjonrick den un kayak inflabel, danki na Next Level Barbershop cu a duna esaki na e Duo.

Siguientemente Brainer lo subi riba su bais y akinan e lo trek Disjonrick den e Running Chair cu KFC a provee, esaki danki na e trabou hunto cu comunidad di Aruba. Unda cu cada biaha cu un persona disfruta di e 5 piece combo di KFC e ta bay pa cubri e gasto di e grandioso running/cycling chair pa Disjonrick. E coremento riba bais lo bay ta 90 km.

Por ultimo Brainer un biaha mas lo pone tur su forsa mental y fisico pa pusha Disjonrick den e mesun running chair pa 21 km.

E meta di “Racing Hope for All” ta pa e fundacion cu Brainer y Disjonrick ta cuminsa cu ne cual ta “Beyond Sports Limit Foundation” recauda fondo y asina yuda mas hoben pa ta parti di nos comunidad activamente. Lo unico cu cada persona mester haci na Aruba ta warda for di awor 1 (UN) florin y deposita esaki cerca e boluntarionan cu lo tin riba e dia aki.

Lo tin boluntario na KFC San Nicolas, KFC Santa Cruz, KFC Oranjestad, KFC Boulevard/Sasaki y KFC Palm Beach pa yuda recauda e fondo. Tambe na diferente rotonde unda e Duo Dinamico lo ta pasando.

Ademas na KFC Oranjestad lo tin varios artista pa pone ambiente musical y asina comunidad completo por apoya Brainer y Disjonrick.

E ruta lo ta di e forma aki:

• E Duo Dinamico lo sali esactamente 12 or di merdia for di Cura Cabai Beach, direccion di Serene by the Sea Aruba via lama.

• Despues cu nan sali for di Serene by the Sea Aruba nan lo anker e bais riba e running chair, direccion San Nicolas. Aki nan lo pasa dilanti KFC San Nicolas y yega na Citgo Esso Ville.
• Bira bek via Bernhardstraat pa pasa un biaha mas dilanti KFC San Nicolas.
• Di aki nan lo sali stret for di San Nicolas yega te na e rotonde banda di e Drive In y bira bay na man drechi pa Santa Cruz. 
• Nan lo pasa dilanti KFC Santa Cruz y sigui stret te cu e rotonde di Paradera. 
• Na e rotonde di Paradera lo bira man robes pa e rotonde di Paper Clip.
• Na e rotonde di Paperclip lo bay man robes direccion e rotonde di aeropuerto.
• Na e rotonde di aeropuerto lo bay man drechi pa coy Boulevard completo te cu Arashi, pasando dilanti KFC Boulevard/Sasaki y KFC Palm Beach
• Na Arashi lo bira bek te cu e rotonde na Super Food Plaza.
• Rotonde di Super Food Plaza ta bay man drechi na low-rise hotels
• Na e rotonde di low-rise hotels ta bay te rotonde di Guardian Group.
• Rotonde di Guardian Group ta bay man drechi te cu rotonde Las Americas
• Aki ta bin un loop. Di rotonde Las Americas ta bay na rotonde di Guardian Group y bay bek rotonde Las Americas.
• Na rotonde Las Americas ta bay man robes den Vondellaan te cu rotonde di Seroe Blanco.
• Na rotonde di Seroe Blanco ta bay den De La Sallestraat te na KFC Oranjestad.

• Na KFC Oranjestad lo laga e bais y e ultimo fase di e race lo cuminsa, 21 km na pia.
• For di KFC Oranjestad na De La Salle Straat direccion Vondellaan pa Rotonde Las Americas
• Na rotonde Las Americas ta bay man drechi pa Boulevard te cu rotonde di Guardian Group.
• Rotonde di Guardian Group ta bira man robes direccion low-rise hotels te cu Phoenix Hotel.
• Phoenix Hotel ta bira bek e mesun ruta. Direccion rotonde Guardian Group, bay man drechi te cu rotonde Las Americas, bay man robes den Vondellaan te rotonde Seroe Blanco y di eynan bay De La Salle straat te KFC Oranjestad.

Lo haci tur esaki den 7 ora. 

KFC kier gradici prome cu tur cos e partners cu ta Setar, Telearuba, Elite Productions & Entertainment y sin duda e gran comunidad di Aruba.

Tambe kier invita tur hende pa sigui e rednan social di KFC pa keda bon informa di esaki y hopi cos mas cu KFC tin pa ofrece.