News

Keto bay no a haya oido: Protesta di Post Aruba N.V. por bay te cu cuater ora!

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Diahuebs mainta e trahadonan di Post Aruba N.V. a protesta pa dos ora y sin nan no haya un contesta, nan ta bay pa cuater ora mas. E trahadonan a haci esaki pa asina mustra nan mal contento pa diferente punto. Pa basta tempo nan ta purba di haya oido di gerencia riba esakinan.

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

Huzan Koolman, shop steward pa SEPPA na Post Aruba N.V., a splica pa basta tempo nan ta purbando di yega na un solucion p’e situacion na Post, cu ta e dos biaha 105 florin. Na varios ocasion gerencia a bisa nan di no bay paga esaki. E trahadonan ta sinti cu ta trapa nan derecho y p’esey nan a haci un protesta di dos ora, y asina lo mira con cos ta sigui bay. E reunionnan a keda bay y bin, unda cu nan ta sinti nan derecho ta trapa. E trahadonan ya no kier esaki mas.

Trahado di Post ta pone trabou abou pa dos ora

Trahado di Post ta pone trabou abou pa dos ora

Posted by 24ora on Thursday, September 22, 2022

Na diferente ocasion e trahadonan a uza nan derecho di reuni cu nan sindicato SEPPA den ora di trabou, pero esey tampoco a manda un señal pa gerencia. Koolman a indica cu gerencia y Raad van Commissaris ta sigui mantene nan posicion, mientras cu e trahadonan ta keda para pa nan derecho. Nan a carga Post den tur manera caba, entre otro, e parti malo nan a carga riba nan schouder. A yega e momento di bisa ta basta, pasobra no por sigui haci esey mas.

Nan tin casi dos pa tres aña sin haya aumento riba nan salario. Esey a pone cu mainta nan a bin afo pa bringa p’esey. E trahadonan ta kere cu nan tin e derecho di e aumento riba nan salario y pa nan tambe sigui crece. E shop steward a sigui indica cu nan a carga e compania den tempo malo y awo esaki ta basta.

E mainta aki mayoria di e miembronan dje sindicato tabata para pafo, y segun Koolman, e no tabata sa cuanto tabata paden. Pa loke tabata e servicionan, e no por a bisa con esakinan lo tabata afecta pero a cuminsa pa dos ora. Y si no tin resultado na nan yamada nan ta bay cuater ora, segun cu e mester bay.

Loke Post kier haci ta paga e 105 den dos pago, cual ta na october y januari. Pero nan no kier pa esaki ta refleha riba e salario. Esaki ta loke e trahadonan no ta di acuerdo cu ne y kier mir’e refleha den nan salario. Esaki ta pa motibo cu eynan ta caminda cu ta crece. El a splica cu si haya e placa den dos pago, e ta caba y no tin nada mas. Pero e tin cu refleha riba nan salario, di cual Post no kier esey. E trahadonan ta para pa nan derecho dje aumento, cual ta para den nan CAO. Post a mishi cu algo cu e no tabata mag di haci, cual tabata poni den e CAO.A reuni cu minister cuater luna pasa, pero tabata warda resultado dje oplichting cu mester a tuma luga den Post. Koolman a indica cu nan no a tende nada. No a reuni cu minister. Ta kere cu esaki mester atencion dje mandatario, kende hopi bes a bisa nan cu un postkantoor mester di su existencia.

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *