KOMUNIKADO DI PRENSA 419 /2022
8 sèptèmber 2022
Kaso di tiramentu ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 8 di sèptèmber 2022 alrededor di 00.14’or, Sentral di Polis a risibí informashon ku
tin un tiramentu i ku tin un persona herida riba Winston Churchillweg.
Mesora polis a dirigí un unidat na e sitio.
Na yegada di e unidat a risibí informashon ku un hòmber a keda transportá den un outo
privá pa Sala di Emergensia di C.M.C.
Relashoná ku e kaso aki, Sentral a dirigí e unidat pa C.M.C., na unda a bin topa ku e víktima
ku a deklará ku un ratu pasá el a keda heridá pa un arma di kandela riba Winston
Churchillweg na altura di e Sede di un partido polítiko den área di Kanga.
Despues a presentá un persona na Warda di Polis na Rio canario ku un kap na kabes i un
dede fakturá pa hasi denunsia kontra di e persona ku a wòrdu heridá ku arma di kandela.
For di e investigashon a sali ku ta pa motibu di un debe a bin un fosageo entre 3 hende
hòmber di kual un a resultá ku un kap na kabes i un dede fakturá i e otro ku herida di bala.
E investigashon ta sigi.
