KOMUNIKADO DI PRENSA 520 /2022
6 novèmber 2022

Kaso di hogamentu.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 5 di novèmber 2022 alrededor di 15.58’or, Sentral di Polis a risibí notifikashon ku
na Playa di Marie Pampoen tin un kaso di hogamentu. Mesora Sentral a dirigí un unidat di
Punda pa e sitio. Na yegada di e unidat, el a tuma nota ku algun personanan den besindario
a saka e víktima (un hende hòmber) for di awa i huntu ku personal di ambulans ku tabata na
e sitio a trata di reanim’é, pero sin e resultado deseá. For di un investigashon preliminar a
resultá ku e hòmber aki tabata sambuyá na e playa i diripiente a hañ’é ku komplikashon, ku
e konsekuensia ku el a guli basta awa. Dòkter di polis a konstatá morto di e hòmber aki.
Polis a konfiská e ekipo di sambuyá pa mas investigashon.
Riba di òrdu di fiskal a konfiská e kurpa pa hasi outopsia di lei.
Polis ta reservá e identifiká di e víktima te na momento ku famia wòrdu informá
debidamente di loke a tuma lugá.