KOMUNIKADO DI PRENSA 075/2023.
20 febrüari 2023.

Kas na kandela ku morto.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 19 di febrüari 2023 alrededor di 16.08’or di merdia, Sentral di Polis a risibí
notifikashon ku tin un kas riba Cubaweg na kandela.
Na yegada di e unidat polisial, a topa ku un kas parsialmente na kandela.
For di un investigashon a sali na kla ku tabatin un hòmber deshabilitá den e kas ku ya no
tabata duna señal di bida. Dokter di polis a yega na e sitio i a konstatá morto di e hòmber
Jan Carlos Faneyte, nasé dia 26 desèmber 2002 na Kòrsou.
Personal di brantwer a yega rápido na e sitio i logra paga e kandela.
Kousa di e kandela ta debí na un korto sirkuito ku a surgí.