Na:
Parlamento di Kòrsou
Señora Ch. America-Francisca
Presidente di Parlamento di Kòrsou
Wilhelminaplein 4
Kòrsou
Willemstad, 30 di ougùstùs 2022
Bo referensia: Bo karta: Nos number:
Tópiko: hopi papiamentu, pero tiki resultado
Distinguido sra. Presidente,
Pa medio di e karta aki, hasiendo uso di Artíkulo 96 di reglamentu di órden di Parlamento di Kòrsou, suskrito kier pidi bo persona pa dirigí e karta athunto na Minister di Hustisia, sr. Shalten Hato.
Masha danki p’e koperashon.
Atentamente,
Rennox Calmes
Miembro di Parlamento di Kòrsou
Na:
Minister di Hustisia
Sr. Shalten Hato
Wilhelminaplein s/n
Kòrsou
Willemstad, 30 di ougùstùs 2022
Bo referensia: Bo karta: Nos number:
Tópiko: hopi papiamentu, pero tiki resultado
Distinguido Minister,
Frakshon di Trabou Pa Kòrsou a tuma nota di e inkietut ku tin bou di miembronan di sindikato NAPB pa ku asuntunan personal di polis ku mester a keda atendé.
Relashoná ku esaki mi tin e siguiente preguntanan:
- Minister por a mustra e landsbesluit of ‘concept landsbesluit’ òf por lo menos un konsepto ‘aanwijzende beschikking’ pa ku e diferente kasonan di e diferente polisnan? Minister por a informá e kantidat alomenos i suministrá informashon te kaminda privasidat ta pèrmití?
- Minister por a derivá un lista for di e sistema di POVO pa por mustra unda e stùknan aki a keda pegá?
- Minister por a duna nos un ‘stand van zaken’ pa lokual ta e akshonnnan ku SD i SG ta ehekutando den kuadro di e stùknan aki?
- Minister a duna òrdu na polisnan den kuadro di ‘no work, no pay’. Minister por a duna un splikashon riba e desishon aki?
Mi ta keda pendiente pa e kontestanan.
Rennox Calmes
Miembro di Parlamento di Kòrsou
