Jean-Paul v/d Kuyp ta na Aruba y e ta preocupa. El a conta cu e por a observa di cerca e situacion di e hoben Axel Naar, u pashent di schizofrenia cu pa colmo, tabata un pashent bao cuido di Fundacion Con Animo y cu despues a trec’e Aruba y djey a bay cay bao di Fundacion Eliezier.
Segun Jean-Paul, e salida di Axel for di e fundacion parce ta impulsa mas bien pa rason politico cu pa su propio bienestar. Durante un combersacion cu e tabatin cu mama di Axel, kende tambe a mustra señal di no ta prepara pa lidia cu su yiu, Jean-Paul a subraya cu e sistema actual no ta ofrece e sosten necesario p’e pashentnan manera Axel, cu ta rekeri atencion specialisa y constante.
Esaki no ta prome biaha cu Axel ta scapa y segun Jean Paul, esaki ta di ocho biaha cu e ta sali for di Fundacion Elizier, un situacion cu, segun Jean-Paul, ta pone tanto e pashent como e comunidad na peliger.
AXEL NO MESTER A BIN BEK
Jean-Paul ta kere cu Axel no mester a bin bek Aruba. Aruba no tin luga adecua p’e. E luga cu tabata adecua ta Respaldo, eigenlijk ta adecua, pasobra eynan si tin e profesionalnan 24 ora pa atende cu ne. Pero Respaldo no ta tuma hende mas pa largo, dus no tin luga.
Comment