Jason Mathilda ta den Corte awe: Ta acus’e di mata su tata!

Diabierna mainta tin solamente dos caso poni riba rol na Corte. Pero ta trata di dos caso basta serio. Un di nan tabata fatal y e otro tabata hopi serio mes. E prome caso ta contra e homber Jason Mathilda. Un nomber cu no ta desconoci den comunidad. Y no ta prome biaha tampoco cu e ta haya su mes envolvi cu husticia. El a yega di haya su mes envolvi den un caso di atraco. A hay’e culpabel den Corte di Prome Instancia pero Hof a lag’e liber pasobra e pruebanan no tabata suficiente. Pero prome cu e caso ey, ya e tabata envolvi caba cu husticia.

Aña pasa den luna di november, el a hala atencion di tur hende ora cu pa oranan largo el a mantene polis ocupa persiguiend’e riba lama. El a horta un jetski y a keda nabega cu esaki pazuid di Aruba y finalmente ora cu gasolin a caba cu ne, polis a logra deten’e. 

Pero e caso pa cual e ta dilanti mesa berde awe mainta, a tuma luga dia 13 di december 2021. Riba e fecha ey el a hinca / tira su tata, Eugenio Mathilda di 54 aña mata na un cas na Rooi Bosal. E mes a transport’e pa hospital. A detene Jason na entrada di Hospital mes

Pa un relato mas amplio, lesa TREMPAN.