Isla Ariba preparando pa tormenta Fiona

E ehercicio pa emergencia den tempo di horcan cu Defensa den Region Caribe ta tene durante e periodo di 15 di september te cu 27 di september, temporalmente a cambia na un despliegue real na Isla Riba. E autoridadnan local di Saba y St. Eustatius a haci un peticion na Defensa pa brinda sosten militar rond di e pasada di Tormenta Fiona. Den esaki ta spera hopi rafaga di biento y hopi awasero, y cu esey ta spera un cantidad grandi di destruccion y strobamento. Defensa ta actua den e despliegue aki hunto cu e socionan local di siguridad.

Saba a pidi Defensa pa sostene nan cu limpiesa di e terenonan y haci e cayanan liber. Tambe tin e necesidad na eventual sosten durante trabounan chikito di recuperacion, tanto prome como despues di pasashi di e tormenta. Saba tin un infrastructura limita, y p’esey ta di importancia pa rapidamente haya e cayanan liber pa e servicionan di yudansa cu t’ey presente ya caba. Un cantidad di 30 marinier y un nurse Militar di Marina Real ta presente. 

E militarnan Hulandes lo brinda na St. Eustatius tambe sosten militar den forma di posibel yudansa di emergencia. Pa motibo di e awasero y biento cu ta spera tin chens riba daño na e edificionan y pues tambe un potencial peliger pa habitantenan. Loke por ehempel por ta un problema grandi riba e isla, ta e gerentenan di lodo, inundacion y deslisamento di tera. Aki tambe Defensa, cu ya ta presente, por haci un diferencia y proporciona e isla cu e posibel yudansa di emergencia. Defensa lo brinda un Consehero pa e staf di desaster pa por laga cu e colaboracion entre autoridadnan local y Defensa por cana flexibel. Mas aleu mas o menos 30 marinier, caminda ta necesario, lo actua como team hunto cu polis y brandweer, pa ehecuta diferente tarea.

Na St. Maarten na e momentonan aki no tin necesidad concreto ainda pa sosten militar, pero e unidadnan ta para cla pa eventual peticionnan pa por ehecuta esakinan. Si en caso no tin necesidad di un despliegue di parti di Defensa na St. Maarten, lo reanuda e programa de ehercicio. E militarnan cu ta keda desplega ya caba ta presente riba e islanan pa motibo di un training pa brinda yudansa di emergencia durante pasashi di un horcan. Cu tin e titulo di ‘Windward Express’. Ora e situacion ta permiti esey, e unidadnan procedente di Aruba, Corsou y St. Maarten lo bolbe recoge e ehercicionan (parcialmente). Sosten na e autoridadnan local ta un di e tareanan primordial di Defensa den Region Caribe Hulandes.