Internet mas lihe cu nunca: Setar ta contribui cu enseñansa

Diaranson tabata un dia importante pa Setar N.V. como tambe pa enseñansa na Aruba. E meta ta pa tur scol na Aruba ta conecta na fiber.

ir. Roland Croes, director di Setar N.V., a duna di conoce cu Ivan Croes di DPS y Minister di Enseñansa Endy Croes a pasa Setar N.V. pa firma un contract di fiber pa tur e scolnan di DPS. Lo conecta alrededor di 20 scol pa fiber. E fiber ta duna diferente posibilidad pero esun di mas importante ta cu e scol lo haya un red nobo. Awo tur scol tin e posibilidad di tin un speed hopi mas halto. 

Ademas awo por duna les den un manera mas moderno por ehempel cu un studio virtual patras. Si tin mucha cu ta na cas, nan lo por join den e les. Tur esaki ta e fundeshi pa local e scolnan kier haci den futuro pa cu enseñansa. 

Den e caso aki Setar a duna un prijs atractivo. Pa Setar ta importante pa e scolnan por torah cu e budget cu nan tin. E meta principa tabata pa no subi e gasto di e scolnan y pa duna nan mas posibilidad. Ademas a combina e sistema di IP pa e scolnan por comunica cu otro. 

A parti e scolnan y ya caba fase 1 ta cla. E intencion ta pa tur scol na Aruba ta conecta cu fiber. ing. Roland Croes ta di pensamento cu esaki lo haci un diferencia.  Na momento cu papia di fiber por papia tambe di un speed mas halto pa e scolnan conecta.