KOMUNIKADO DI PRENSA 561/2022
27 novèmber 2022

Insidente di tráfiko ku morto.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 25 di novèmber 2022 alrededor di 17.00’or, Sentral di Polis a risibí notifikashon di
un insidente di tráfiko grave ku a tuma lugá na un kas den Kaya Locha.
For di investigashon preliminar a sali na kla e víktima (un hòmber) a baha for di su pikòp pa
e bai sera su porta di kurá. E víktima a lubidá di hala e brek di man (“handrem”) di su pikòp
ku konsekuensia ku e pikòp aki lo mester a bèk ku un velosidat i dal’é víktima i bai basha e
porta di kurá abou pa finalmente bai dal kontra di un muraya.
Ambulans ku a presentá na e sitio a tranportá e víktima den di un situashon krítiko pa sala
di emergensia di CMC pa ta tratamentu médiko.
Dia 27 di novèmber 2022 Sentral di Polis a risibí informashon ku e víktima a bin fayesé debí
na múltiple leshonnan ku el a risibí.
E hòmber víktima a keda identifiká komo Humphrey Jones Privania nasé na Kòrsou dia
21 di septèmber 1952.