Ingrid Kuiperdal: Campaña evangelico organisa pa predica palabra di Dios

Iglesia Pentecostal a organisa campaña Evangelistico, unda cu a duna oido na yamada of orden di Dios. Diferente persona a presenta na e encuentro pa asina scucha palabra di Dios.

Ingrid Kuiperdal, co-pastoor di iglesia Pentecostal, a splica cu e campaña evangelistico aki ta bisa pa nan bay den mundo y predica evangelio na cada criatura. Nan tabatin un bon noticia pa comparti cu Dios a manda Hesus pa bini bek pa asina “nos por bay bek cerca DjE.” El a sigui bisa cu a perde Dios den hardin y E kier pa hende bay bek cerca Dje.

Hopi hende no sa y nan ta manera perdi. Segun Kuiperdal, nan tin e yamada pa bay cerca tur hende y bisa cu Dios kier nan bek. Dios kier reconcilia cerca nan.

E encuentro a bay bon y a cuminsa diabierna. El a indica cu nan tabatin un predicado hopi bon y a duna splicacion riba reconciliacion. Diasabra tabatin otro predicado y e hendenan a sali pa bin scucha palabra di Dios.

Loke pueblo di Aruba falta, segun Kuiperdal, ta Dios. “Hopi hende ta bisa cu nan ta stima Dios, pero bo no ta wak e den accion”, el a indica. Si bo ta stima Dios, bijbel mes ta bisa, Dios mes ta bisa cu “si bo ta stima Mi, bo ta sigui mi mandamentonan.” Un di e mandamentonan ta bisa tur hende di e bon noticia. Tur hende a perde Dios den e hardin cu Adam a peca. Bijbel ta bisa cu tur hende ta pecador, pero Dios a manda su yiu pa yama tur hende pa bolbe bek cerca djE. Kuiperdal a indica cu nan tin e responsabilidad como iglesia, como curpa di Cristo pa bisa cada hende e bon noticia aki di bini bek cerca Dios.

Lesa mas den TREMPAN.