Inauguracion di Soroptimist International Aruba lo ta un realidad

Soroptimist International Club Aruba diasabra awo lo bira un realidad. Un realidad indispensabel den e bida di e hende muhe na mundo.

Soroptrimist International Club di Aruba, ta e club cu ta manera un red social, un red di hende muhe profesional y negociante. Nora Eleonora, Presidente Soroptimist International Club Aruba a bisa cu e tin dies aña miembro di e club aki. Nan lo tin tres evento y ta conta cu presencia di miembronan di varios pais manera Corsou, Suecia, Polonia, Hulanda y Alemania. E club internacional aki pa hende muhe, ta pa mehora y sostene e hende muhe na mundo y tambe e mucha muhe. Diaranson tur e miembronan tabata t’ey pa yuda sostene e club aki.

INAUGURACION CLUB ARUBA

E club tin cinco federacion: un di Africa, uno di Pacifico, uno di Europa, uno di Merca y tambe uno SIGBI (Gran Britania y Irlanda). E club di Aruba ta resorta bou di e club di Hulanda, cu tin 101 club y cu esun di Aruba e di 102 club di Hulanda. nan lo tin tres evento: dia 6 di october nan lo organisa un happy hour, tambe un Meet the President di Europa cu a bin pa inaugura e club di Aruba y Meet the President di e Union di Hulanda. Ademas, dia 8 di october entrante 10:00am nan lo tin e inauguracion. Na Aruba ta wak e potencial di uni cu tur e clubnan di servicio aki na Aruba pa asina conhuntamente cuminsa traha hunto cu otro pa e hende muhe na mundo y tambe nos hende muhenan na Aruba.

E presidente pasado di e federacion, e presidente di e union, un mentor cu lo hiba palabra y tambe un miembro di e club di Surinam y di Suecia cu lo hiba palabra.

SOROPTIMIST NEDERLAND

For di e Union Europeo, Soroptimist Interational Nederland na Hulanda tin dos evento cu nan lo kier traha cu nan: Hunto cu Europa, nan lo kier traha hunto cu Women in Warzone na Ucrania. Lotter Croiser, Presidente NLse Unie, a bisa cu ta tur hende na mundo ta sinti e efecto di e guera eynan. Loke ta wak na Hulanda cu Soroptimist ta un organisacion confiabel, cu tin hende muhe cu tin conexion cu tin conexion cu Women in Warzone na Ucrania, cu sa kico e hende muhe na Ukraine cu ta biba tur dia. Na Hulanda mes nan a keda sorprendi di cuanto placa na a recauda pa asina manda Ucrania pa e proyectonan eynan.

SOROPTIMIST SWEDEN

Un homber cu ta dal un hende muhe no ta algo aceptabel, bou di ningun circunstancia. Hopi biaha esaki ta bin door di frustracion di parti di e hende homber. Eva Skårner, di Soroptimist International Sweden a indica c’un hende homber no ta cuminsa dal un hende muhe di un dia pa otro, pero e ta bin door di un of otro situacion. Violencia contra hende muhe hopi biaha ta un problema hopi compleho. Pa por yuda un muhe den un situacion di violencia, mester cuminsa educa e hende homber trempan den bida, for di e bankinan di scol, cu violencia nunca ta e solucion n’e problema. Ta miho caba cu e relacion cu uza violencia contra di e hende muhe. Purba bay un tratamento pa e problema, pero violencia no ta aceptabel. Violencia ta bin den diferente forma: violencia fisico, violencia economico, violencia mental y isolacion. Y un di e stapnan aki ta bin door di e manera di pensa cu ta ok pa haci uzo di violencia. Mester cuminsa educa e muchanan jong cu violencia no ta e solucion.

KICO TA SOROPTIMIST

Soroptimist ta funda na 1921 y e ta un organisacion global di un movemento di boluntario c’un netwerk di 72 mil miembro den 121 pais. E ta un organisacion sin fin di lucro cu ta boga pa e derecho humano y igualdad di genero. Soroptimist International ta consisti di cinco Federacion: Soroptimist International, consists of five Federations: Soroptimist International Africa Federation, Soroptimist International of the Americas, Soroptimist International of Europe, Soroptimist International of Great Britain & Ireland y Soroptimist International of the South East Asia Pacific. Un movemento global di boluntarionan cu ta traha hunto pa transforma e bida di muhe y mucha muhenan. Nan network di casi 72 mil miembro den 121 pais ta traha na un nviel local, nacional y internacional pa Educa, Empodera y Crea oportunidadnan pa muhe y mucha muhe.

Un Soroptimista por medio di nan conocemento y habilidadnan ta traha pa mehora e posicion di e hende muhe den sociedad. Nan ta ruman, ‘Sorores (ruman muhe) cu ta persigui lo optimum (lo miho).