Iglesianan Cristian di Aruba: Accion21 y Fundacion Orguyo ta discrimina

Den e discusion tocante matrimonio di mesun sexo por a tuma nota cu e lobby LGBT ta acusa e cristiannan di discriminacion of di trato desigual. Realidad ta cu e Lobby LGBT mes ta practica desigualdad. Tanto den e caso di Fundacion Orguyo como e proposicion di ley di Accion 21, nan ta menciona matrimonio pa e parehanan di mesun sexo pero no ta bisa nada di e personanan bisexual.

Si di berdad un hende ta nace LGBT anto ta deber di e Lobby LGBT di bringa pa matrimonio entre tres persona pa acomoda un persona bisexual tambe. Pero un lucha pa matrimonio entre tres persona lo habri wowo di pueblo, cu esaki no ta un asunto di igualdad sino di moralidad. Habri porta pa legalisa homosexualidad ta un invitacion pa legalisa otro forma di atraccion sexual.

Awor cu matrimonio di mesun sexo ta legal na Merca, Belgica y Hulanda tin e organisacionnan a lanta den e paisnan aki cu ta boga pa legalisa relacion sexual entre adulto y menor di edad. E pedofilnan ta sigui e tactica cu e Lobby LBGT a uza y awor nan ta purba convence hende cu nan tambe a nace cu un orientacion sexual diferente. Realidad ta cu no tin prueba cientifico cu un hende ta nace homosexual of pedofil.

Iglesia no ta discrimina, pasobra e mensahe di iglesia ta igual pa esunnan cu ta sinti atraccion na un menor di edad of pa esunnan cu ta sinti atraccion na un persona di mesun sexo. E mensahe di iglesia ta cu no mester legalisa un atraccion sexual sino mester siña controla atraccion sexual.

Fundacion Orguyo y Accion 21 ta esunnan cu ta discrimina, pasobra nan ta exclui entre otro bisexual for di nan lucha legal. Esaki ta prueba cu e lucha pa legalisa matrimonio di mesun sexo ta un pia den porta pa legalisa otro forma di inmoralidad despues. E Lobby LGBT no a keda contento cu union civil y nan lo no keda contento cu matrimonio di mesun sexo tampoco pasobra e meta scondi ta libertinahe sexual.

Accion di firma

Tin un accion di firma na e momento aki pa kita tur duda kico opinion di pueblo di Aruba ta tocante matrimonio di mesun sexo. E lidernan religioso ta haci un yamada na henter pueblo di Aruba pa firma e lista contra matrimonio di mesun sexo cu ta suplica gobierno pa hiba e caso casacion.