Hulanda ta pone 15 miyon pa reduci gasto di energia na Caribe Hulandes

Gabinete ta tuma medida pa reduci prijs di electricidad na Caribe Hulandes. Por ehempel, e gastonan fiho pa maneho di red, awo aki promedio alrededor di 390 dollar, na 2023 ta bira cero (0). Ademas, gabinete ta paga mitar di e tarifa variabel pa electricidad cu ta pasa riba 0,38 dollar pa KWh. E medidanan aki ta conta pa tur hende: cas di famia, empresa mediano y chikito, y instituto di deporte y cultura na Boneiro, Sint Eustatius y Saba.

E medidanan, cu segun expectativa ta costa 15 miyon dollar, ta poni den un carta di Minister pa Clima y Energia, Rob Jetten, cu awe el a manda pa Tweede Kamer. Na Hulanda Europeo e sosten ta existi entrante prome di januari 2023 y ta consisti di un ‘prijsplafond’ riba energia pa tur cas di famia y otro consumido chikito.

Pa motibo ci no por aplica e medidanan aki na mes manera pa Caribe Hulandes, den consulta cu gobierno y compania di electricidad na e islanan, a scoge pa un otro areglo. Pa mantene e medidanan pa e islanan factibel, a palabra cu ta paga e compania di electricidad e placa pa e cuenta di electricidad. Den implementacion di e pakete pa Caribe Hulandes ta considera si, mescos cu na Hulanda Europeo, por tuma e prome medidanan entrante november proximo. 

Secretario di Estado Van Huffelen ta contento cu e manera cu a scoge pa atende esaki pa Caribe Hulandes. “Tur hende ta sinti e aumento di gasto di electricidad den su cartera. Gabinete ta purba yuda caminda ta posibel, pa e motibo ey tin e areglo aki pa Hulanda Karibense. E manera di atende aki ta duna claridad na e hendenan.”

Anteriormente tabatin caba un subsidio pa energia di 1300 dollar pa cas di famia cu entrada te 130 porciento di salario minimo segun ley, y un bahada di accijns riba gasolin: 16 USD pa liter pa e prome mitar di 2023 y 8 USD pa liter pa e di dos mitar di 2023. Ademas, na october 2021 a pone un montante di 2 miyon euro disponibel pa 2022 pa e aumento di prijs di electricidad, cu cual e aña aki a reduci un parti considerabel di e gastonan fiho pa maneho di red.

Pa mantene e energia na e islanan sostenibel, pagabel y confiabel riba termino largo, siman pasa gabinete a anuncia cu e ta pone 33,6 miyon euro disponibel pa un transicion acelera pa electricidad sostenibel na Boneiru, Sint Eustatius y Saba. Esaki ta nifika cu dentro di tres aña ta produci un promedio di 80 porciento di e electricidad riba e tres islanan cu biento y solo. Ademas di prijs mas abou, esaki ta zorg tambe pa menos dependencia di por ehempel crudo y hopi menos emicion di nitrogeno.