Hotel a bira victima atrobe: Grupo di baldadi a horta golf cart y tira polis cu piedra

A cuminsa un buskeda den area di Bushiri pa un grupo di mucha baldadi cu a bay cu un golfcart for di area di hotel. Mesora persona encarga a bati alarma na polis pa asina cuminsa tira bista rond pa e cart horta.

Esaki a tuma luga den careda di 8:45 pm ora cu tanto polis como personal di siguridad di hotel a Sali pa area di Bushiri. Aki ta caminda nan a bin topa cu dicho cart. Pa recupera esaki tabata otro storia.

Na momento cu nan a drenta e area di Bushiri, e situacion a bira tenso como cu nan a cuminsa tira e patruya di polis cu piedra. A pidi refuerso mientras cu a logra saca e cart for di e complex di Bushiri caminda nan a bin topa cu ne.

Personal di hotel mes a lastra e cart bek mientras polis a sigui atende cu e tiramento di piedra riba nan. Segun por a tuma nota, cu e tirado di piedranan ta habitante di e compleho mes. Angulo cu piedra tabata bin ta di haltura di e edificio mes y como tal ta sospecha cu ta e mes un hendenan aki ta sconde pa haci nan fechoria.

Polis tin e situacion aki registra y lo sa di atende cu nan na un debido tempo.