Honeypot ta lansa cancion nobo titula Still Alive

Recientemente e banda Honeypot a lansa nan cancion mas nobo titula Still Alive. Esaki ta nan di tres cancion cu nan ta lansa pa aña 2022. Chayo Tromp ta lider di e grupo, durante un entrevista cu 24ora.com el a conta cu e cantica tin un mensahe hopi special den dje.

Honeypot ta conoci pa ora nan lansa un cancion nobo, compañ’e tambe cu un videoclip. E prome clip cu nan a lansa e aña aki tabata titula ‘You don’t have to go away’, sigui pa ‘Straight Out The Caribbean.’ E prome clip hasta a logra yega den top na e radionan local.

Tromp ta sumamente contento cu e resultado di videoclip, cu a inclui algun shot cu drone y na sitio nan espectacular. Tromp a conta cu e proyectonan cu e ta lansando actualmente, ta idea cu e tabatin den mente for di algun aña caba, pero debi n’e pandemia no por a ehecuta nan.

Pa lesa mas subi TREMPAN.