Holo vies ta core cu turista na Eagle Beach

E holo malo cu tin na Eagle Beach sigur ta un molester. Segun relacionista publico di Aruba Food & Beverage Association, Fernando Dirksen, tin un problema cu e holo di Bubali Plas como tambe e muscanan. Algun miembro di AFBA a keha di e molester y ta haya mal holo y musca. Esaki no ta bunita p’e huespednan cu ta bin na nan hotel y restaurant.

E ta sigui bisa cu tin mas of menos 66 restaurant cu ta miembro di AFBA y varios di nan cu ta den hotel y den e area. E holo ta loke ta afectando nan aworaki.

RESTAURANT TA SUFRI DI DJE TAMBE

Jan Van Nes, kende ta operador di Asi es mi Peru y tambe Kitchen Table na Paradise Beach Villas, sigur ta sufri barbaramente di dje. Pa hopi tempo nan tin molester den e area caminda cu e ta opera den restaurant. E ta sigui splica cu e sa cu a alerta gobierno por lo menos cinco pa seis aña pasa y tin atencion riba dje. Tin un prijskaartje hopi halto tambe cual ta den careda di 250 miyon, tambe den bista di e otro desaroyonan cu tin di hotel y tin entendi cu tin 12 miyon presupuesta e aña aki.

Hunto cu esey tin otro proyecto di embeyecemento di Aruba y e ta bisa “pakico ta embeyece Aruba si e problema aki t’asina grave y tin mester di un mayor urgencia,” referiendo n’e trapi na Hooiberg y esun na Sero Colorado.

Pa Van Nes, a lo menos p’e sector y no solamente p’e sector di Food & Beverage como tambe hotel, e problema di Bubali Plas ta prioridad y mester ataca mas pronto posibel.

Lesa mas den TREMPAN.