Hoben ta cay riba caminda hañando lift pa scol cu bicicleta

Dos hoben tabata caminda pa scol mainta trempan. Esun cu ta core bicicleta a duna su amigo un lift riba stuur. Nan tabata core den verboden. Riba e crusada di Emma cu Koningstraat algo a bay robes. E amigo a bula riba stuur y pasando e crusada el a bay di cabes y cay riba caminda. Ta bon mes e momento ey un auto no tabata pasando. Den algun seconde despues un auto a pasa bay. Por a mira cu e hoben a haya raspa na pia. E tabata keha di dolor y a lanta bay un banda pa mira kico e sla na pia tabata. Kier adverti hobennan cu ta usa bicicleta como medio di transporte pa paga tino ora ta move den verboden.

E crusada unda a accidenta ta uno hopi peligroso. Tur siman tin un of mas accidente y entrenan cu herido. Danki Dios e hobennan a haya herida leve pero e por tabata pio. Camera di Siguridad eybanda a graba e accidente di e hobennan riba bicicleta.