/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}
Diamars ultimo, dr. Viola Heutger, Rector di Universidad di Aruba a lesa su discurso inaugural den cuadro di su nombracion como Profesor Titular den e Catedra de ‘Practica Translinguistico’ den contexto educativo y ramo profesional. Den e mundo academico, e acto aki ta conoci como “Laudatio”.
/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}
Colegio di Supervision di Universidad di Aruba a acerca Gabinete Wever-Croes II, pa conforme e Ordenanza di Universidad di Aruba (LUA), instala un comision cu ta encarga pa institui e catedra aki. Universidad di Aruba a ricibi sosten den e proceso aki, pasobra ta trata di un catedra cu tin e mandato pa haci investigacion cientifico riba tereno di, entre otro e uzo di idioma den nos enseñansa y con nos lo por adapta nos maneho nacional di uzo di idioma pa studiantenan por ta hopi mas exitoso; durante di nan estudio y ora nan inicia nan carera profesional. Investigacionnan cu no lo ta mara solamente na Aruba, pero lo extende tambe den nos region.
E ocasion aki tabata historico pasobra ta pa prome biaha e rector di Universidad di Aruba lo carga e titulo di ‘Profesor’. Prof. Dr. Viola Heutger tin e mandato y ta determina pa sigui cu e trabaonan cu varios experto local a inicia. Dr. Heutger a hiba un discurso riba nivel academico pero alabes inspirativo, buscando colaboracion di tur esunnan cu tin un rol den enseñansa. Prof. Heutger a reconoce varios pionero, entre otro Joyce Perreira, Ramon Todd-Dandare y Eric Mijts pa e trabaonan di investigacion cu nan a eherce caba. Investigacionnan cu sin duda lo sirbi e catedra aki tambe.
Universidad ta e brug entre scol secundario y inicio di un carera profesional. Institutonan mester por hiba un maneho di idioma tambe pa por prepara e studiantenan pa por ta exitoso durante di nan estudio y despues pa inicia nan carera. Na Aruba nos ta papia varios idioma. Na cas, den e sector publico, den sector priva, den nos sistema hudicial y nos industria turistico mester di anfitrionnan pa por representa nos bon. Pesey e maneho riba tereno di idioma mester ta basa riba datos y mester ta inclusivo. Inclusivo den sentido, cu e studiante mester por haya e espacio pa por domina e materia bon, sin cu ta strob’e door di un idioma cu e no ta domina hopi bon.
Nos mester haya sa cua ta e idiomanan cu e hoben profesional ta domina, nos mester por predeci e competencianan cu nos prefesionalnan mester tin pa e proximo 10 pa 20 aña pa por visualisa y realisa un desaroyo sostenibel pa nos pais. Tipo di decisionnan asina ta wordo tuma riba nivel nacional y ta un di e responsabilidadnan di gobierno. Sinembargo, ta esencial cu decisionan di e embergadura aki ta wordo tuma a base di datos colecta pa medio di investigacion cientifico.




/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}
Comment