Hendrik Tevreden (MEP): Ta atendiendo preocupacion pa gasto di utilidad

Parlamento ta preparando pa trata presupuesto y esaki ta trece cu n’e un gran trabou. Di bishita na departamento te cu reunion cu director y controla e presupuesto riba su mes. Fraccion di MEP a manda riba 400 pregunta pa gobierno caba den e tempo cu a wordo stipula pa haci esaki y awor ta sigui cu tramite practico pa por keda cla prome cu e reunionnan bin riba agenda. Simultaneamente, segun parlamentario di e fraccion geel, Hendrik Tevreden a bisa diaranson mainta, ta haya otro topico importante di pais cu mester atende y semper ta haci e maximo esfuerso pa atende cu tur, den e miho di nan habilidad.

Un di e topiconan cu ta riba agenda aworaki pa Parlamento ta e recibonan halto di utilidad cu a sali ultimo y tambe e topico di molina di biento. Manera ta conoci hopi cuidadano a haya nan ultimo recibo di coriente na un suma halto.

Tin hopi ponencia cu ta bay rond pa splica e motibo tras di e aumento, por ehempel cu a tuma midi na e meter laat. Otro ponencianan ta cu solamente e meter nan bieu a wordo afecta cu e aumento y no esunnan cu tin meter digital of cu e uso den e dianan calor tabata mas halto.

Asina tin diferente teoria mas cu a wordo presenta, pero como presidente di comision fiho di entidadnan gubernamental mi a dicidi di invita e entidadnan Utilities Aruba N.V., WEB ARUBA N.V., N.V. ELMAR Aruba pa un reunion pa asina nan por duna e comision un splicacion concreto riba kico ta e motibonan di e aumento y si acaso tin algun cos cu no a bay bon, con ta bay drecha esaki.

Pa e relato completo, lesa edicion di TREMPAN