Harmony Apartments ta nenga difamacion: Grupo di turista no a comporta nan mes

Pa mas di 25 aña Harmony Apartments ta brindando servicio na su huespednan. E huespednan ta disfruta dje facilidad y e hospitalidad cu Harmony Apartments ta ofrece den un ambiente keto, relaha y placentero.

Na momento cu e huespednan pasa tempo na Harmony Apartments, nan ta hacie den un manera respeta, trankil y ta tene na cuenta riba presencia y privacidad di otro huesped. Den fin di siman cu a pasa tabatin un grupo cu nan conducta no apropia y respetabel. Nan a ocasiona daño n’e propiedad, a comporta no apropia den pool, area di pool y den e cambernan. Firmemente a pidi nan pero den un manera respeta pa actua apropia. Nan no a cumpli. Na momento cu nan mester a bay, nan forma di paga no a pasa. Aparentemente esey a pone cu nan a busca atencion di media y a difama Harmony.

P’e motibo aki Harmony Apartments ta nenga e alegacionnan haci y nos huespednan por ta sigur cu nan siguiente estadia cerca nan, manera nan ta spera, lo ta placentero.

SITUACION CU TURISTA

Siman pasa den weekend un grupo di turista, nacionalidad Colombiano, informa 24ora cu nan a book nan estadia via Booking.com y na principio e pago a cancela, asina nan a indica. Na sitio e doño di luga a informa nan di no a ricibi e pago. Door dje problema cu e pago, nan a presenta personal y paga e estadia di mas o menos 700 dollar. E grupo aki a indica di a paga un suma di deposito den euro, pa cual prome instante no kier a debolbe nan e suma. Na final, despues di a papia cu intermediacion di polis, a yega na un acuerdo y nan a ricibi nan placa bek.

Incluso e turistanan a indica cu ora a wak e propiedad riba Booking.com a mira potret di Royal Plaza y esey tabata mustra comosifuera eynan nan lo keda.