Guilfred Besaril a trata di via Corte haya un decision cu ta bisa cu e no a bay of haci nada contra su obligacionnan como ambtenaar. Esaki pa evita e intencion di Gobierno pa dun’e su retiro. Sinembargo den un decision tuma door di Corte a rechasa su peticion. Via di un decreto gubernamental fecha 9 di januari, 2023 (no. 2) a informa Besaril e intencion pa impone e medida disciplinario di retiro. Contra esaki, Besaril a entreg un obhecion dia 23 di januari, 2023.
Tratamento di e caso mester a tuma luga dia 17 di april, unda cu Besaril tabata representa pa mr. Doris Canwood y Gobierno pa un representante di Departamento di Recurso Humano. Tabata falta algun documento cu a entrega despues den luna di mei y na final di mei e tratamento profundo a sosode. Tabata presente dos funcionario di Centrale Accountantsdienst. Tur cos ta draai rond di placa cu el a gasta di gobierno pa asuntonan priva y pa cual a dicidi pa retir’e. E ta bisa cu esaki no ta e caso.
Awe den un decision Corte a bisa cu e no a cumpli cu su obligacionnan.
Pa un relato amplio lesa TREMPAN.
Comment