/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}
Miembro y devoto di Grupo San Hudas Tadeo Peregrino di Parokia di Birgen di Fatima, Dakota, ta informa cu e grupo lo tene su oracion di september 2022 na Sitio di Oracion di Beato Jose Gregorio Hernandez na Tanki Leendert 128. Tur devoto y pueblo di Aruba ta keda cordialmente invita.
/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}
Fecha di e oracion lo ta diaranson 28 di september, diahuebs 29 di september y diabierna 30 di september.
Diaranson 28 di september e orario di oracion lo ta 6:00 di atardi y lo mester termina pa 7:00, ya cu lo sigui un Santo Sacrificio di Misa pa 7:00.
E dianan cu ta sigui, esta diahuebs 29 di september y diabierna 30 di september, e orario lo ta 7:00 pa 8:00.
Pa boso informacion tambe ta avisa cu e grupo ta existiendo ya 26 aña caba. A cuminsa na aña 1996, resando cas pa cas di un devoto. Pero pa motibo di e situacion di Covid, e grupo no por a realisa y sigui cu e oracion cas pa cas pa 3 aña, pa preveni e contagio. Pero awo cu a normalisa (pero Covid no a desaparece ainda), toch y alabes teniendo precaucion ta pidi pa uza tapaboca (mondkapje), sanitizer y tene distancia y asina a dicidi na tene e oracion na luna di september 2022.
Manera ta custumber riba e di cuater dia esta 1 di october, cada devoto ta scoge un parokia y asisti na un Santo Sacrifio di Misa pa gradici nos Santo stima San Hudas Tadeo pa e añanan (26 aña) cu e ta existi y pa e gracianan ricibi of sea no ricibi, pasobra ta Dios Tata ta scucha nos oracion y San Hudas Tadeo su intercesion y sa kico e ta duna cada un di e devoto, basta cu e ta pa su santificacion. Palabra di Dios, mes ta bisa den Mateo 7: 7-8 “Pidi y boso lo ricibi, busca y boso lo haña; bati y porta lo habri pa boso. Pasobra ken cu pidi, lo ricibi, ken cu busca lo haña; y ken cu bati, porta lo habri p’e”.
Ademas e grupo ta desea di informa, si tin cualkier devoto cu lo ta desea pa ricibi e imagen peregrino di San Hudas Tadeo pa aña 2023 na nan cas por yama libremente Myriam Vrolijk na telefoon 594 1829 of Ida Croes na telefoon 594 4144. Cu mucho gusto nan lo por duna mas informacion.
Di awo caba ta informa cu pa luna di october 2022 na Misa di Birgen di Fatima na Dakota lo tene novena na honor di San Hudas Tadeo, for di diaranson 19 di october te cu diahuebs 27 di october 2022. Lo celebra fiesta di San Hudas Tadeo diabierna 28 di october 2022. Pa boso informacion e grupo di Oracion San Hudas Tadeo aki lo ta celebrando 60 aña (Bao di direccion di Tula Pablo q.e.p.d. di 1962 pa 1996 y bao direccion di Rosa Marin q.e.p.d. y Ida Croes di 1997 te cu e aña aki 2022. Corda tur miembro, devoto y pueblo di Aruba en general ta mas cu bon bini.
Pa informacion: E Triduo na honor di San Hudas Tadeo ta sigui normal riba e YouTube di Parokia di Birgen di Fatima Dakota.
/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}
Comment