News

Gremio sindical y comercial a pasa riba Ton Rojer

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Tanto gremio sindical como comercial, a pidi pa reuni cu presidente di Utilities NV, ing. Robert Maduro, cu caracter di urgencia, rib’e e desaroyonan preocupante den WEB Aruba NV. Segun un carta manda diamars dia 27 di september, a base di diferente articulo den prensa data diamars dia 20 di september di Vereniging van Werknemers met een Individuele Arbeidsovereenkomst in dienst van WEB Aruba NV (VWI) y a base di un reunion cu a tuma luga entre mediado di gobierno, sindicato y diferente otro organisacion di trahado riba dia 26 di september, ta pidi pa por papia cu e presidente mas pronto posibel. Esaki ta liña recto pasando riba cabes di e director, Anthony ‘Ton’ Rojer.

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

Si bay bek pa dia 20 di september, Directiva di Asociacion di Empleadonan cu un Contracto Laboral Individual den Servicio di W.E.B. Aruba N.V. (VWI) a tene un rueda di prensa pa asina trece dilanti algun punto di preocupacion den futuro di produccion di coriente. Richard Frank, presidente di VWI, a indica cu e director di Utilities Aruba N.V., Anthony Rojer, ta haciendo show na radio riba e Expression Of Interest (EOI) Windpark Rincon. 

VWI a tende di e entrevistanan aki y nan ta haya cu Rojer ta tene show pa trece dilanti su parti pa loke ta encera e molina. Pa Frank ta di lamenta cu e director Utilities Aruba N.V. no ta trece completamente e storia.

Durante e rueda di prensa, e presidente di VWI a bay riba tres punto di preocupacion, cual un di nan tabata riba e echo cu Utilities Aruba ta actuando den violacion di su meta stipula den su statuutnan y tambe ta ehecutando algun acto cu nan no tin permiso pa haci, manera presenta oferta de estado di EOI. E permiso cu nan tin no ta permiti esey segun e copia di Ministeriële Beschikking. 

Ta scucha cu Rojer ta papia di un Utilities Group, pero Frank a enfatisa cu esey no ta existi. Pero loke si ta existi ta Utilities Aruba N.V., W.E.B. Aruba N.V. y N.V. Elmar, cual ta e entidadnan legal. El a corda cu na comienso di aña 90, den renobacion di W.E.B., a traha e constelacion di Utilities, Elmar y W.E.B. Hustamente Utilities a forma un buffer entre politica y e companianan nobo estatal cu tabatin. Den e ultimo diescinco añanan, ta mustra cu e rolnan a bira, pasobra na luga cu Utilities mantene politica na un distancia, ta trece nan aden.

Awo ta keda n’e presidente si e lo honra e peticion aki pa tira un bista loke ta e puntonan di preocupacion di e gremionan. Entre e sindicatonan ta prepara pa si Robert Maduro, apunta politicamente den Utilities Aruba N.V., cu si e no honra e peticion pa dialogo, cu por spera accionnan grandi na e companianan estatal.

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *