Gohar Karapetian: E momento a yega pa cambia sistema di burgerschap den Reino Hulandes

N’e congreso Interexpo un di e topiconan trata tabata riba staatsburgerschap den Reino Hulandes. Esunnan cu tabata presente tabata interesa pa haya mas iniformacion riba e parti di deficit democratico.

mr. Gohar Karapetian, docente di Rijksuniversiteit Groningen, a splica cu durante su presentacion el a papia riba e burgerschap den Reino Hulandes. E paisnan tin hopi autonomia den regula derecho y obligacion cu ta vincula n’e staatsburgerschap (ciudadania). Durante e congreso, a puntr’e hopi pregunta y hopi tabata riba deficit democratico cu ta conoci desde 1954. Ta un di e dossiernan mas conoci dje derecho di Reino.

E dossier tin di haber cu e propuestanan pa atende cu e Staten generaal, Eerste Kamer y Tweede Kamer, cu e Hulandesnan di Aruba, Corsou y Sint Maarten no ta representa politicamente den e Parlamento di Reino. Mayoria pregunta cu el a ricibi tabata riba e punto aki. Parti di su presentacion tabata basa riba esey y Karapetian a purba di trece solucion p’e deficit democratico.

Un di e punto di salida pa un solucion dje deficit democratico ta propuesta di atende e Rijkswet den tanto Eerste Kamer como Tweede Kamer y cu tur representante politico dje islanan ta presente cu derecho di vota. E ta kere esey ta un posibilidad cu ta un solucion di e Francesnan a bin cu ne ora tabatin un problema largo den Reino.

Pa mas lesa TREMPAN.COM.