Gobierno: Ainda no a cuminsa trata e topico di kwijtschelding

Pa loke ta kwijtschelding, Secretario di Estado Alexandra van Huffelen a indica cu no ta mira espacio p’esaki. Durante conferencia di prensa di gobierno, prome minister a reacciona riba e punto aki, indicando cu nan no a cuminsa atende cu e punto aki.

Prome Minister mr. Evelyn Wever-Croes a indica cu e Secretario di Estado no a bisa esey pero cu e combersacionnan no a cuminsa ainda. Tambe ta compronde e deseo dje pais pa haya kwijtschelding, pero Hulanda no por bisa nada ya cu ta wardando riba e combersacionnan cu ta bay cuminsa dentro di algun siman. E ta un punto ainda riba mesa, di cual gobierno ta en espera pa cuminsa cu e combersacion.

mr. Xiomara Maduro, Minister di Finansa, a bisa cu mester mira Aruba su posicion den reino. Aruba ta un pais cu ta fia riba mercado internacional, unda tin creditor internacinal. El a sigui splica cu tin un situacion cu tin debe grandi, di cual tin cierto margen cu ta wanta pa asina cumpli cu creditor internacional. Door di e pandemia, a traha un debe grandi cu Hulanda, pero mester pone e modalidad di kico ta bay paga bek. Esey ta loke mester bay pone acerca na loke tin caba.

Hulanda ta hopi importante pa ora gobierno defini e manera di paga bek, pa tene cuenta cu e parti di paga bek n’e creditornan internacional. Pa no trece esey den peliger pa Aruba por haya default. Si Aruba haya default, e no ta bira un problema di e isla so pero di reino tambe. Esey algo cu gobierno kier evita.

Segun Maduro, durante su reciente biahe na IMF a papia cu nan y pidi yudansa p’asina por yuda Aruba c’un caminda con pa cana, esta pone un PAF. Mirando e situacion cu Aruba tin e creditornan internacional y debe cu Hulanda, con tin di structura esaki di manera cu Aruba cumpli cu su debernan financiero. Mas cu claro fo’i experticio di IMF, “bo sa cu ta un di e cosnan, y nan a yega di indica esey caba, si Hulanda kier pa nos haci esey na un manera bon, den locual ta e debe ey mester por tin un componente di kwijtschelding. Of locual ta e condicion pa pag’e ta bay den hopi aña. Asina ey e no trece un peso extra y no pone Aruba den e situacion di default, esta keda sin por cumpli cu e parti internacional.

Pa mas lesa TREMPAN.COM.