Glenbert Croes: Ta investiga kico a pasa cu cobransa halto di coriente

Den e proximo dos simannan e delegacion di ehecutivo di RDA y FEMSA bou liderazgo di Edison Brieson, como presidente di Hunta di Comisario di RDA, ta biaha pa Ecuador pa por concreta e acuerdonan. Tin un trabou pa haci cu e compania cu ta suministra heavy fuel oil (HFO) aki na Aruba. Tambe tin di drecha e eror haci riba recibo unda cu a cobra hende 100% y p’esey ta haciendo investigacion.

Minister di Labor, Energia y Integracion, Glenbert Croes, a splica cu ta pagando extra na luga di haya un descuento. Ta pagando extra pa HFO cu ta suministra aki na Aruba y e ta bin fo’i Ecuador. Segun e mandatario, el a tende cu hende ta critica cu ta cumprando fuel barata y ta di Ecuador, no ta di bon calidad.

El a sigui indica cu den e ultimo tres añanan, rond di 50% di HFO cu ta uza aki ta bin fo’i Ecuador. E ta haya cu esaki tabata simplemente pa critica. P’e proximo dos simannan e delegacion ta bay concreta e acuerdo na Ecuador.

COREGI RECIBO DI CORIENTE

E mandatario a sigui indica durante conferencia di prensa, loke mester bay haci aworaki ta coregi e tema dje recibonan di coriente. A sali cobransa cu aumento di mas o menos 100%. Tin un indicacion caba kico a tuma luga caba.

Aprobacion duna pa gobierno di e aumento tabata di 24%. Si e no ta e aumento aki, e ora cobransa ta incorecto p’esey mester coregi nan. Tin di haci e coreccion prome cu 14 di november ora tur hende tin deadline pa paga.

Pa mas lesa TREMPAN.COM.