Gerlien Croes (AVP): Derecho humano di e inmigrantenan ta un responsabilidad comparti cu Reino

Parlamentario Gerlien Croes tabata entre esunnan presente na un Openbare Bijeenkomst cu a tuma luga diaranson mainta den Parlamento di Aruba riba e topico di e ultimo desaroyo rond di un posibel reapertura edi frontera cu Venezuela. El a realisa preguntanan dirigi na Minister President Evelyn Wever-Croes y na Minister di Husticia y Asunto Social, Rocco Tjon.

E parlamentario di fraccion AVP a bisa cu basa riba e echo cu na comienso di aña caba tabatin bishita di embahador Hulandes na Caracas cerca gobierno di Aruba y den prensa a indica cu ta dialoga, un su prome preguntanan tabata den direccion cu si esaki ta mas bien un asunto cu ta regarda bou di relacionnan exterior di Hulanda y no un decision cu Aruba por tuma riba su mes. Como tal, Croes tabata kier sa kico ta e pensamento/posicion di Hulanda.

Su mes tin entendi cu Hulanda ta positivo riba e echo di e desaroyo pa un posibilidad pa habri e frontera bek. Su preocupacion e ora ey ta mas bien, kico e consecuencia pa Aruba lo ta, specialmente pasobra recientemente Raad van State a duna un conseho na gobierno Hulandes caminda ta indica cu tin hopi reto cu cumplimento di tratado di derecho humano riba e islanan den Reino.

Pa e relato completo, lesa edicion di TREMPAN