Gabriel Bohorquez: Despues di cinco luna huurdo no kier paga mas

Un huurdo no ta cumpli cu su huur manera mester ta y e doño di apartamento ta cansa dje situacion. Doño dje apartamento a tuma contacto cu nos redaccion y a indica cu e kier p’e huurdo bay fo’i su luga.

Gabriel Bohorquez, doño di apartamento, a conta cu el a huur un apartamento cu Felenir Boatswain, kende tin shete luna bibando eynan. Pero awo despues di cinco luna e ta bisa cu e no mag di paga mas pasobra e ta bisa cu e cas ta di dje. E huurdo tin un antecedente di a haci desordo unda e tabata biba antes. Eynan a sac’e cu polis, Bohorquez a indica.

El a sigui splica cu pa via di esey polis, gobierno a kita e mucha. Awo a kita e di dos yiu, pa motibo cu ta yega un choller, ta haci uzo di droga y ta haci tur esey den e camber dilanti e mucha. Segun Bohorquez, autoridad sa tur cos di dje.

Boatswain no ta pagando huur pa dos luna y e doño di luga kier p’e sali dje apartamento. Momento di cobra huur, e huurdo ta puntr’e dicon e mester paga si e luga ta di dje, cuent’i cu e no mag di sali pero e doñonan di cas. Boatswain a splica cu esey ta imposibel, pasobra e tin tur papel cu ta mustra e ta doño.

Prome cu un hende drenta den e apartamento, el a percura pa laga tur cos den bon condicion. El a percura di verf tur muraya y mantene tur cos limpi. Pero e huurdo tin mucha chikito y el a daña tur cos, a haci daño den cushina, kibra mueble, pishi riba e mueble cu ta cama dje mucha. Bohorquez a sigui splica cu e kier duna nan un cama, pero e persona ta nenga. El a dun’e un television, pero esaki ta poni pafo.

Loke e kier ta pa instancia concerni yud’e pa e huurdo bay. Boatswain a crea un mundo cu e cas ta di dje y polis ta kere cu esey ta berdad. Segun Bohorquez, el a mustra polis tur papel, cu tur cos ta na su nomber, pero asina mes e mester warda.