img{margin:0
auto 0 0}@media (max-width:767px){.tdi_9.td-a-rec-img{text-align:center}}
Gabinete di Aruba a tene recientemente un reunion cu diferente organisacion di studiante. Meta di e reunion aki ta pa conoce otro aun miho y intercambia riba topiconan cu ta interesante pa tanto e organisacionnan y Gabinete di Aruba.
img{margin:0
auto 0 0}@media (max-width:767px){.tdi_8.td-a-rec-img{text-align:center}}
E programa a cuminsa cu un introduccion di e organisacionnan den cual nan a papia riba nan metanan pa studiantenan y riba cual terenonan ta organisa actividadnan.
Directora di Gabinete di Aruba Joselin Croes LL.M/M.Sc a guia e sesion cu a consisti di algun pregunta manera nan contacto cu Gabinete di Aruba, contacto cu e grupo di mentornan. Sra. Croes tambe a puntra e organisacionnan cual tabata nan actividad/evenemento mas exitoso den e ultimo añanan, con grandi e publico tabata ta y con a logra pa haya asina hopi hende.
Otro punto cu tambe a keda lansa na e organisacionnan ta ki tipo di actividad e organisacionnan ta mira cu por wordo organisa en cooperacion cu Gabinete di Aruba. Importante pa sa ta cual temanan ta interesante pa studiantenan. Esaki en conexion cu workshopnan cu Gabinete di Aruba ta pensa pa organisa.
Minister Plenipotenciario demisionario mr. Ady Thijsen a bisa di ta contento cu hopi organisacion di studiantenan a bin na e encuentro aki. E mandatario a bisa cu Gabinete di Aruba a bin ta organisa diferente reunion cu studiantenan pa tende kico ta biba cerca nan y con Gabinete di Aruba por duna un aporte cu por contribui na e exito den nan estudio.
Mescos cu e grupo di studiante ta na su luga pa papia tambe cu e organisacionnan di studiante pa mira ki tipo di cooperacion por bin entre e organisacionnan y Gabinete di Aruba.
Sr. Thijsen a bisa cu guia di studiante ta keda un trabao importante pa Gabinete di Aruba y tambe estrecha e contacto cu studiantenan Arubiano pa asina tambe sondea e posibilidad y animo bou di nos hobennan pa despues di caba cu nan estudio, nan regresa Aruba pa contribui na bienestar y progreso di Aruba.
img{margin:0
auto 0 0}@media (max-width:767px){.tdi_10.td-a-rec-img{text-align:center}}
Comment