Fundacion Venearuba Solidaria ta celebra cinco aña di existencia

Fundacion Venearuba Solidaria a celebra cinco aña di existencia, cu a hacie legalmente via notario pa por labora cu hopi canal regular, via Aruba y internacionalmente tambe. Segun coordinado Grislynn Hernandez, nan tabata cinco percura cu a bay inscribi e fundacion y awe ta duna danki na tur esunnan cu a logra e meta aki pa haci e reto uno posibel.

Aworaki ta bezig cu e proyecto ‘La Casa del Venezolano’, cu fondo di PADF (Fundacion Panamericano di Desaroyo), unda cu ta yuda mayoria hende di tur nacionalidad, esta migrante di tur nacion y tambe tur esunnan local, cu tambe por haya ayudo aki.

Ta brinda ayudo psicosocial, ta duna ayudo cu orientacion. Tambe nan ta duna ayudo di alimento. Tur esaki tin un proceso si, pero ta purba toch di yuda cu esey. Tambe lo mas importante ta cu nan ta enfoca hopi riba mucha, unda cu ta duna huiswerkbegeleiding, na mas di 60 mucha.

Tur dia nan ta yuda e muchanan di scol basico y di scol avansa. Hopi hende ta bin eynan trece nan yiunan.

Fuera di esey nan ta duna charla, tayer, ta traha cu tur organisacion local y internacional y ta duna danki na tur e sosten cu nan tin, e acogida masal cu tin di pueblo di Aruba y tambe internacionalmente.

Nan tambe, trahando eynan, ta pone nomber di Aruba presente cerca hopi nacion den exterior.

Lesa mas den TREMPAN.