Fundacion CVA Aruba a organisa workshop ‘Preveni cu Cuminda’

Diasabra Fundacion CVA Aruba, cu ta e fundacion Atake Celebral (Stroke) na Aruba a tene un di dos tayer ‘Preveni cu Cuminda’.

Tabata trata di un workshop ‘Preveni cu Cuminda’, unda cu cada grupo a haya un receta pa traha. Un receta cu no tin carni, basa riba cuminda natural. Esaki ta pa conscientisa e comunidad cu por come saludabel y consciente, a base di tur cos natural. Azriah Palm, boluntario di Fundacion CVA a bisa cu loke a resalta tabata e cooperacion entre e gruponan, unda cu nan ta bin hunto y a traha un cuminda completamente natural.

Den e tayer aki tambe tabata tin dos fisioterapista cu a bin pa duna un charla tocante e ehercicionan cu por haci na cas mes. Hopi hende ta sinta na cas y critica, sin cu nan mes ta haci algo pa ta saludabel. Pero esunnan presente n’e tayer a haya un paketa di ehercicio pa practica.

Algo hopi bunita pa wak tabata con diferente persona cu no conoce otro, door di ta den mesun grupo, ta intercambia ideanan cu otro, cual tabata un di e metanan tambe di e tayer. Trece e comunidad hunto pa asina hunto tambe, crea conscientisacion riba malesa di stroke y pa cuminsa hiba un bida mas saludabel.

Pa un relato mas amplio, lesa TREMPAN.