Fun Miles su campaña Fun Quartets a ranca sali

Fun Miles a anuncia su campaña di fin di aña, cual ta uno cu a bira un tradicion. E campaña tin e nomber di Fun Quartets y ta manera e wega di quartets.

Mirla Passchier, Area Manager Aruba, a splica cu e den e wega mester colecta cuater carchi di cada serie. Tin un total di diesdos serie cu por colecta. Pa participa den e campaña aki ta facil. Bo mester haci compras na cualkier partner participante di e campaña. Montante di un carchi di quartet ta varia na cada partner.

Na momento cu a haya e carchi di quartet, raspa esaki pa mira e codigo. Esaki ta un di e prome chensnan pa gana premio, pasobra ta dos chens tin. Cu e codigo aki, bo ta participa pa gana premio instantaneo manera fun miles, descuento of ta haya un bala di oro. E bala di oro ta encera premio di BBQ di Kooyman of un voucher di APEX di mil florin. Cu e codigo aki por gana premio riba website di Fun Miles cu ta www.funmiles.net. Aki bo ta click riba fun quartet y sigui e pasonan pa yena e codigo.

Fun Miles ta ranca sali cu nan campaña pa fin di aña: Fun Quartets

Fun Miles ta ranca sali cu nan campaña pa fin di aña: Fun Quartets

Posted by 24ora on Friday, October 28, 2022

Passchier a expresa cu si bo tin suerte, bo por score un gol y ta ricibi un voucher digital. Tur voucher digital gana, por ta cambia na un di e partnernan di Fun Quartets. Tambe cada voucher ta visibel riba bo mesun account. Y tambe cerca e cahera na e partner cu bo a gana. Simplemente duna e cahera bo carchi fun miles y menciona cu bo tin un voucher digital cu bo kier uza. Tur voucher digital tin un fecha di vencemento.

E di dos chens pa gana premio ta e borchi wega. E premio cu por gana cu esaki ta un Toyota Rush KR metalic silver nobo nobo di Garage Cordia, pero tin hopi premio mas. Passchier a splica cu na momento di habri e borchi, tin dos carchi chikito. E dos carchinan chikito ta esun cu bo ta plak riba e borchi. E borchi di wega ta obtenibel gratis na tur partner participante. El a enfatisa cu tin total diesdos serie di Fun Quartets, di cual tin seis serie di cinco cu ta e sponsor principal. Esakinan ta Kooyman, APEX, Botica di Servicio, ENNIA, Global Paint y Fun Miles. E otro seis serienan ta tema di futbol ya cu nos ta den porta di World Cup.

Colecta un total di cuater serie y plak nan riba e borchi di wega. Por lo menos un di e serienan mester ta di un partner principal of di Fun Miles. P’e resto bo mes mag scoge kico ta plak riba e borchi di wega. Ta importante pa yena e number di Fun Miles prome cu deposita e borchi di wega.

Pa pregunta, regla di campaña, lista di partner, premio y hopi mas, bishita nan riba e website di www.funmiles.net//funquartets of por manda un mensahe via WhatsApp 297-5889947. E aña aki Fun Miles a bin cu algo adicional pa asina por hunga e wega di quartet durante campaña, pero tambe despues cu esaki termina. E carchi di Fun Quartets tin uno grandi, spaar tur diesdos y cera un total di 48 carchi p’asina hunga cu famia y/of amistad. Pa loke ta e carchi grandi no mester ta pega riba e borchi di wega. Passchier a gradici tur partner di Fun Quartets cu ta APEX, Kooyman, Botica di Servicio, Garage Cordia, ENNIA, Landslotterij, Global Paint, Pearle Vision Jet Air, DA y Arugas.

Jaritza Correa, Marketing & PR Officer di Kooyman, a expresa cu Kooyman ta orguyoso di ta partner di Fun Miles y e biaha aki cu Fun Quartets. Na Kooyman ta caminda cu por shop den temporada di fin di aña. Cu compra di 25 florin ya caba bo ta participa cu e Fun Quartets. Tambe por haya tur informacion riba media social di Kooyman hunto cu Fun Miles. Kooyman a desea comunidad di Aruba pa “have fun cu Fun Miles.”