Frans Ponson (CUA): Comercio ta secretario di Gobierno den cobra pueblo BBO

Pueblo no ta kens. Tur hende sa ken ta paga e BBO. Y Gobierno mester stop di trece e guera entre nan y e comerciante.

Ta e comerciante ta haci e trabou pornada pa Gobierno, e comerciante ta e secretario di Gobierno. Ta nan como comerciante mester kit’e for di e pueblo, coy tur e placa aki, documenta tur loke a haci y hiba tur e 7% entreg’e na Gobienro. Hera si nan paga un dia laat, ya caba Gobierno ta boet nan. Ademas di haci e trabou pa nan, ta duna nan boet tambe.

Ta comercio ta haci tur e trabou pa nan, pa asina Gobierno tin placa pa gasta. Y asina mes, Gobierno kier trece e comerciante den un guera cu e pueblo, esey mester stop. E comerciante no ta worry ken ta na mando, pero mester drecha e comunicacion entre Gobienro y comercio, pa stop cu e guera aki. 

Un comerciante tin yen gasto den e compania y tur hende sa cu si no pasa e gasto pa e consumidor, e compania no ta existi. Di berdad, e ta 7%, Pero for di prome dia e tabata ‘tax on tax’. Den realidad ta cu ta 7.52% ta loke e pueblo lo paga na final. Si Gobierno, mescos cu Comerciante Uni a trece den pasado, cobra 7, paga 7, e comerciante lo a hacie. Pero nan no a hacie. 

A core pasa e ley un siman prome cu aña caba, cu yen di cambio den e ley, cu niun hende a yega di tende di dje. Tur e gastonan extra ta pa e comerciante local, cu ta cosnan nobo y manera hende loco, meser core adapta. 

Pero CUA ta haci apelacion na Gobienro pa sinta na mesa cu e comerciante, pa yega na un acuerdo pa stop e guera entre pueblo cu e comerciante. Manera gasoline, ta subi entrante prome di januari. Esaki ta door cu tin BBO riba dje.