FINAL KAMPIONATO HUBENIL KATEGORIA U-17 I U-20 2021-2022!

DJASABRA 5 DI NOVÈMBER 2022, 5’OR PM DEN STADION

RIGNAAL ‘JEAN’ FRANCISCA!

 

 

Despues di un temporada largu, kategoria U-17 i U-20 di Kampionato Hubenil 2021-2022 lo yega na su gran final. Esaki lo tuma lugá djasabra, 5 di novèmber 2022, kumisando for di 5’or di atardi den Stadion Rignaal ‘Jean’ Francisca. Lo bai tin 2 tremendo partido kaminda e final di kategoria U-17 lo tuma lugá 5’or di atardi i despues ta kontinuá ku e final di kategoria U-20 ku ta planiá pa kuminsá 7’or di anochi. E ekiponan di Subt i Vesta U-17 ku Vesta i Undeba U-20 ta bon prepará pa duna un bon bataya djasabra aki.

 

Skema final U-17 i U-20;

 

Stadion	Kategoria	Tim 1	v/s	Tim 2	U-17	U-20
R.J.F.	U-17 Final	SUBT	v/s	VESTA	17:00	–
R.J.F.	U-20 Final	VESTA	v/s	UNDEBA	–	19:00

 

E wikènt aki lo ta un wikènt di algun tremendo partido den Stadion Rignaal ‘Jean’ Francisca, bin mira ken ta titulá kampion di Kampionato Hubenil 2021-2022 kategoria U-17 i U-20.

 

Invitashon ta bai na un i tur pa asistí masalmente p’asina sostené i apoyá nos muchanan, kòrda ku tur e partido finalnan aki ta kompletamente grátis!

 

Komishon Hubenil, Subt, Vesta i Undeba ta wardabo!

 

4 novèmber 2022