Fiesta na EcoTech: Jacky Feliciana a celebra 35 aniversario

E famia grandi di MetaCorp ta di fiesta, pasobra ta celebra e 35 aña di servicio di Jacqueline Feliciana. E ta traha ​na EcoTech, un di e companianan di MetaCorp y Jacqueline ta un empleado fiel, pero tambe ​cu ​ta stima su trabou.

Jacqueline Norine Feliciana, conoci como Jacky, a cuminsa traha cu MetaCorp dia 12 di october 1987 como recepcionista. Trahando seis luna como recepcionista, a acerca Jacky pa bay traha cu Intermodel Container Services (ICS). Cu mucho gusto el a acepta e reto nobo aki y a bay traha na ICS pa diesocho aña. E añanan a pasa lihe, unda el a traha agradabel, duro y tambe manera un famia. E tempo ey ICS tabata dirigi pa Gerardo de Veer, hunto cu Myrtha, Diana, Sharine, Mirella, Inger, Marlene y Jacky. Segun Jacky​ ta conta​, esey tabata e añanan great cu hopi bunita y dushi recuerdo. E ta gradici tur colega di MetaCorp e tempo ey y ta recorda e team como “Simply the Best.”

Despues cu Intermodel Container Services (ICS) a cera su porta, pa motibo cu e agencia di barco a stop su servicio, Jacky a bay traha na oficina di ATCO Shaba (awor ta carga nomber di APEX). Aki el a traha den departamento di benta. Den e temporada ey, pa Jacky e decision no tabata uno facil, pero danki n’e bon consehonan di Wendell Benneth, Jacky a sa di keda positivo y a perse​r​vera.

Na ​aña ​2009 Jacky a cuminsa traha cu Ecotech Aruba den ​e departamentlo di ​Accounting, pero awo e ta trahando como Sales Representative na Ecotech Aruba. Jacky a demostra cu unda pon’e, e ta bay e extra miya pa su trabou. MetaCorp y EcoTech ta gradici na Jacky pa su 35 aña di servicio y cu semper por conta riba dje. Contento y cu aprecio, Jacky ta gradici ful e compania pa ta un team dinamico. 

Jacqueline Feliciana tin 59 aña di edad y a cuminsa cu e compania na 1987. E tin educacion di ETAO y MAVO. De​s​de cu el a cuminsa dia 12 di october 1987, Jacky a persevera y a crece hopi. Su buki preferi ta “Who Moved my cheese? di Spencer Johnson, mientras su musica preferi ta di New Age pero tambe e canticanan di aña 80 y 90. Jacky su mensahe na un y tur ta “Live, laugh & love. Haci bon y no mira ken!”

Tocante EcoTech

EcoTech ta existi desde aña 1985 caba y ta traha 24 ora pa dia, 7 dia pa siman pa sirbi nan mas di ​8​ mil clientenan. Cu un ekipo di mas o menos ​70 trahado, EcoTech ta responsabel pa mas di 60% di tur sushi di nos isla, di cual e mayoria comercial y awo creciendo tur dia den clientenan residencial. E compania ta conoci pa su servicio sin igual y su vision innovativo y duradero pa maneha desperdicio riba nos isla.