Famia y conoci a yama Etty Toppenberg ayo

Diasabra a tuma luga entiero di Etty Toppenberg. Famia, amigo y conoci a bini hunto pa asina bisa ayo na Alex Edward Toppenberg, conoci como Etty. Despues cu tur hende a haya oportunidad di despedi di Etty y duna condolencia na henter famia, den seno familiar a tuma luga acto di cremacion.

Ivolaine de Nobrega, subrina di Etty, a tuma un momento pa hiba palabra. Aki el a conta un tiki di su omo Etty. Su omo tabata un persona cu tabata duna conseho, pero tin biaha tabata motiva otro persona. Segun de Nobrega, tur hende cu tabata rond di su omo por a sinti nan mes mira y scucha.

Etty a bin di un famia grandi di ruman. Den ultimo tempo e tabata lucha cu su salud, pero dia 13 di september el a fayece cu su 79 aña di edad. Prome cu el a fayece a tene un homenahe na augustus pa Etty, kende tabata un gran musico. Aparte di tabata musico, Etty a traha na oficina di impuesto pero despues a bira docente y tabata les di musica na scol, unda hopi ta esunnan cu a haya les fo’i dje.

E tabata un persona cu semper tabata sa con pa pone hende hari y trece alegria cu su canticanan. Etty ta condecora como Ridder van Oranje Nassau y a yega di toca pa Reina Juliana cu Prins Bernhard, como tambe Prinses Beatrix y su casa Claus.

Hopi hende tin diferente recuerdo di Etty Toppenberg sea di su musica of di a papia cu ne.