Fabiola Maduro na cabes di Forsa Femenino “Grace”

Forsa Femenino Grace tin un presidente nobo, desde diabierna anochi. Den un reunion na cede di MEP, Yuyu Croes a traspasa e presidencia pa Fabiola Maduro. Croes a retira como presidente despues di 38 aña cu el a lidera e organisacion di hende muhe den e partido politico di mas grandi di Aruba den e ultimo eleccion aña pasa.

Forsa Femenino Grace ta e forsa femenino di partido MEP. E organisacion ta un sosten enorme pa partido y specialmente pa candidatonan femenino y ta enfoca riba aumenta conscientisacion riba asunto di hende muhe y con mas por empodera e hende muhe.

Partido MEP ta un partido cu desde su fundacion ta crea oportunidad pa hende muhe por desaroya den politica. Esaki a haci posibel cu partido MEP a bira e prome partido grandi na Aruba cu un lider politico femenino.

E organisacion ta carga e nomber di defunto Grace Bareño. Grace a nace na Aruba dia 22 di maart 1945. Na un edad hoben, na aña 1975, el a drenta arena politico y tabata e prome dama cu a aparece riba lista di Partido MEP. El a sigui participa na tur eleccion te na aña 1989.

Asina Grace Bareño a bira e prome dama na Aruba cu a asumi e encargo di Diputado di Teritorio Insular di Aruba. Durante su trayectoria como gobernante Grace Bareño a dedica gran parti di su trabao den e area social y a percura specialmente pa esunnan cu limitacion den comunidad.

Partido MEP ta gradici Yuyu Croes cu a lidera e organisacion aki pa hopi aña largo. Y ta desea Fabiola Maduro hopi exito!