Extreme DT a cera 2022 cu competencia Nos cu Nos

Diasabra 10 di december Extreme DT, e team cu a sali di tres luga den torneo di bond, a tene nan anual torneo “NOS cu NOS” pa clausura temporada 2022. Cu orguyo hustifica, capitan di ekipo Tony Trimon a elogia esunnan cu a destaca nan mes den temporada 2022, muy en special Andy Faro kende a sali miho hungado di temporada 2022.

E anochi aki n’e ya famoso Domino Square Garden tabata tin asina un acogida, cu e biaha aki mester a cambia e formato di torneo un tiki pa por a acomoda tur esunnan cu kier participa. Luga di un torneo di eliminacion, a hunga un torneo caminda cada duo ta hunga tanto wega y a base di nan averahe di victoria ta saca e duo ganado.

Cos tabata un close call, pero despues di saca rekenmachine por a determina cu Angelo Semerel cu Eric “Chiks” Tromp a titula campeon pa 2022. Como subcampeon a keda e duo Ronny Kelly y Jozmary Thiel. E ganado dje christmas basket special a keda den persona di Lito Kelly. All in all, directiva di Extreme DT kier a gradici tur su integrantenan y fanaticada pa un añ2022 hopi exitoso y ameno, y alabes kier a desea un y tur un bon Pasco y feliz 2023.