img{margin:0
auto 0 0}@media (max-width:767px){.tdi_9.td-a-rec-img{text-align:center}}
San Nicolas Business Association (SNBA) a bin cu yen plan pa lanta San Nicolas bek. Pero asina mes tin basta edificio bandona. E presidente di e asociacion ta sinti despues cu hotel Secrets habri, hopi negoshante lo bay ariba buscando luga pa un negoshi.
img{margin:0
auto 0 0}@media (max-width:767px){.tdi_8.td-a-rec-img{text-align:center}}
Errol de Freitas, presidente di San Nicolas Business Association (SNBA), a indica cu e vision di San Nicolas ta cla. Aunke cu e vision t’ey e no por bisa kico por ta realisa den e situacion aki. E ta imagina cu tin cos cu ta lopende zaken cu por a pasa, y p’esey e ta kere cu mester warda e gobierno nobo sinta. Nan tin un vision completo pa San Nicolas, cu tin un bergadura cu lo yuda henter e caya principal. Tambe nan ta concentra p’e aspecto di Colony, aspecto pabou den caya tambe. Nan a traha un plan hopi integral y unabes esaki sali, pueblo y e districto comercial lo gosa di dje.
Casi binti edificio bandona
Riba edificio bandona de Freitas a expresa cu no ta asina tampoco. Sinembargo aworaki tin e parti di ‘vergrijzing’, e edad ta subiendo y e yiunan ta tumando over. Pero na dado momento e yiunan kier bende y esey ta tumando luga.

Tin varios inversionista ta cumprando edificio. Si ta pa su persona e porcentahe di local ta mas hopi. E ta mirando cu e stranheronan cu ta cumprando e edificionan, ta mas cu dispuesto pa habri caminda p’un comerciante local por traha.


Loke a stroba e ultimo bes, unda hopi hende a critica na San Nicolas cu Esquire Store a cera. E famia tabatin e negoshi eynan habri pa basta aña, y e ultimo desaroyo di e caya, DOW a cera esaki pa 50 dia. E ta kere cu esey a yuda n’e decision. E hecho ta cu eventualmente e tienda lo a cera y esey tabata pasando.





img{margin:0
auto 0 0}@media (max-width:767px){.tdi_10.td-a-rec-img{text-align:center}}
Comment