News

Eric Ras (Curpa): Pueblo lo core cu gobierno si e no bay cas awo

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Den un entrevista nos prome minister a laga sa cu campaña a cuminsa. Normalmente un aña prome cu eleccion ta cuminsa prepara pa campaña. Ban spera cu e biaha aki si nos prome minister ta papia berdad y no ta gaña di muri pa mira ken lo yor’e. Nos di partido Curpa ta kere cu e mensahe aki a trece alegria den pueblo cu e speransa cu pronto lo supla un biento fresco riba Aruba.

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

Aruba ta pasando den su pio crisis y esaki ta pio cu tempo cu Aruba a drenta Status Aparte. Tur caminda bo bira bo no ta tende nada positivo di e gobierno actual. Partido MEP tin su nucleo pero esey no ta garantisa cu nan ta stabiel. Al contrario awor mas cu nunca nan ta coho. Despues di tanto mal maneho y inhusticia contra di pueblo nan lo bay atras sigur den e proximo eleccion.

E aumento di 100% den tarifa di awa y electricidad tin pueblo mal rabia sin conta e aumento drastico di prijs di comestibel. E aumento drastico di costo di bida y tambe e eigen bijdrage di AZV a pone cu awa a pasa hariña. Esaki sin conta e aumento di BBO cu 1.5% na januari 2023 cu lo tin un efecto domino riba tur prijs.

Un presupuesto 2023 di fantasia y cu leu di ta realistico. E gobierno aki forma pa partido MEP y Raiz no tin e rason di existencia. Un gobierno sin vision y sin maneho. Un gobierno cu a aumenta e gastonan riba bienes y servicio drasticamente. Gobierno a keda sin paga su debenan durante aña y a crea debe riba debe. No solamente gobierno ta crea un nomber di mal pagado pero tambe ta afecta e companianan cu mester cumpli cu nan obligacion.

Dialuna 31 di october 2022 a habri cu un otro tapamento di un eror di minister di salubridad cu e fondo di Tourism Product Enhancement Fund caminda e maneho a wordo cuestiona pa Controlaria General y ta haci mesun eror cu a haci cu fase y loonsubsidie. E parlamentario di Raiz ta expresa cu e cosnan aki no mester pasa nunca mas. Den mesun rosea ta vota pa exonera e minister pa su mal maneho. Gastamento di placa sin cu tabata autorisa pa haci esey. E mas tristo ta cu despues di 2 aña nos parlamentarionan ta hustifica e gastamento aki.

Despues di a suta pueblo cu medida tin rumor cu kier cera SABA tambe y manda nos grandinan cas. No ta straña nos di partido Curpa paso ta algo comun den e gobierno aki. Esaki tambe ta e plan di e metanan di desaroyo sostenibel Agenda 2030. Asina a haci cu Respaldo y awe tin diesocho hende riba caya. Parce cu partido Raiz tambe ta den campaña ya cu a bin un cambio den e Raad van Bestuur di Setar, a emplea mas hende pa Arupark y a nombra un director pa Serlimar.

Situacion mundial cada dia ta bira pio cu gobiernonan socialista/comunista cu ta pusha e Agenda 2030 y pa despues bin cu e great reset. Merca a print asina hopi papel di dollar cu el a perde su balor. Zimbabwe tabata un di e prome pais cu a pasa den esaki pero no ta siña di dje. Europa y Merca a drenta recesion cu lo bin cu e caida mundial di economia. Na 2008 stock market a crash y nos por corda cu nos APFA a perde miyones di placa di e pensionadonan. Laga nos spera cu nan a siña di esaki y a inverti den oro pa por wanta e sla cu sigur lo bin.

Si e gobierno aki no bay cas e aña aki, otro aña pueblo lo bay core cu ne. Gobierno no tin solucion y ta inhusto cu pueblo. Un gobierno cu ta goberna cu mentira ta un gobierno inhusto. Inhusticia ta pica den bista di Dios. Dios lo sa di haci husticia contra di tur inhusticia.

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *