Eric Ras (CURPA): Gobierno no tin interes di pueblo na pecho

E situacion financiero di pais Aruba no ta cos di gaba. Aruba tin un gobierno cu no ta haci nada pa crea mas entrada y asina por paga debenan acumula durante hopi aña pa mal gobernacion. Durante e ultimo cinco añanan e unico cos cu gobierno a haci ta crea mas debe pa pais Aruba. Loke si e gobierno a resalta ta den sconde e documentonan pa maldad no sali na cla.

No tin e diferencia entre e metanan di desaroyo sostenibel ni e common good. Tur dos ta sali for di mesun fuente. Nan ta dos bonchi den un baliña. Tur paisnan cu tin un gobierno socialista/comunista ta pusha e metanan di desaroyo sostenibel y por mira cu ta pone enfasis riba tanto e ley di genero y cambio climatico. Na Aruba tanto partido AVP, partido MEP y RAIZ ta di acuerdo pa implementa e metanan aki.

Dia 23 di september 2015 nos prome minister tabata na New York cu premier Rutte di Hulanda. Na aña 2017 e gobierno bao signatura di partido MEP a sigui cu n’e. Dia 17 di december 2020 nos prome minister a firma CommonTrust Network di World Economic Forum. E paspoort di salud digital tambe ta inclui den e tratado aki. Esaki ta e motibo pakico tanto AVP y MEP nunca por vota contra di e geregistreerd partnerschap, pasobra un voto contra ta empugna di e metanan di desaroyo sostenibel e Agenda 2030. E ley di transgender wet ta den preparacion pa wordo introduci, caminda cu e mayornan lo perde nan poder riba nan yiunan. Si e ley aki drenta na vigor lo legalisa pedofilia tambe.

Gobierno a wanta su cabes riba awa pa via cu a saca un bono na balor di 40 miyon. E maneho aki ta trece negoshi di e comerciante na peliger. Nos tin un gobierno egoista cu ta worry pa su mes. Nan mester biaha, fiesta y core den auto nobo y pueblo ta sufri pa nan mal maneho. E aña aki so gobierno a fia 440 miyon florin. Tin papia di un caida di economia mundial pa cuminsamento di 2023. Great reset. Identidad manera APFA mester inverti den oro pa scapa e fondo di pensioen pa no pasa manera 2008 cu a perde miyones di florin di e pensionadonan cu caida di stockmarket. Gobierno tin e luz rond di su garganta y casi no por hala rosea pa via di tanto debe cu Aruba ta aden. Apenas ta keda dos luna pa e aña aki termina y deseo di pueblo ta pa e gobierno di mas malo den historia di Aruba laga tumba tambe.

Nos por mira cu a economisa riba siguridad di pueblo y habri porta pa marechaussee bin traha aki na Aruba supuestamente pa e parti di frontera. Na januari 2023 e cantidad di marechaussee lo subi na 62 y nan ta hinca tur caminda cu no ta frontera. A gaña esunnan cu ta tene nos scolnan limpi y nan mester a busca derechonan obligatoriamente na hues. Nos por corda con nos prome minister a gaña e werksternan durante campaña pa despues laga nan na caya. Nos enseñansa tampoco ta importante paso eynan tambe a corta pisa. Ta renoba nos scolnan y ta sigui huur mas edificio. A yega na nos oido cu a huur un otro edificio na Meiveld pa hinca un scol eynan. E maestronan ta wordo maltrata p’esey nan ta bandona pa bay traha den exterior mientras cu tin un demanda na cas. Otro aña ta spera cu lo bay aumenta schoolgeld drasticamente y pueblo no tin placa. Kico futuro nos muchanan lo tin? Esaki ta e meta di e agenda 2030 pa nos pueblo merece pa falta di conocemento pa asina keda na poder.

Den 2023 pueblo di Aruba lo bay haya un regalo di aña nobo den sentido di mas medida. Hulanda ta exigi un surplus di 1% riba e presupuesto 2023. Si den 2022 e presupuesto tin un deficit di 148 miyon florin ta con lo bay haci pa genera mas entrada. Dios ta permiti gobierno cu pueblo a vota pe pero ora cu tin un gobiernonan cu ta abusa di pueblo, su dianan lo ta conta.