ÈKS TRAHADÓNAN DI REFINERIA ISLA KU BUNITA INISIATIVA PA DÒRNA ILUMINÁ POST 5 DEN FIN DI AÑA
Willemstad 11 Desèmber 2022– Refineria di Kòrsou (RdK) i Curaçao Refinery Utilities (CRU) a duna sosten na e bunita inisiativa di un grupo di èks trahadó ku kier drecha parti di e fasilidat na Post 5 speshalmente pa temporada di fin di aña. E trabounan aki ta enserá ku nan ta fèrf parti di e tankinan i alabes pone adornonan di pasku, inkluso e pesebre, manera ta e kustumber pa hopi aña ta na Post 5.
Mientras negosashonnan te ainda ta kontinuá pa yega na un akuerdo pa maneho i operashon di e fasilidatnan petrolero, a skohe pa finalisá aña 2022 ku un esfuerso konhunto di èks trahadónan, RdK, CRU i ku sosten finansiero di Caribbean Petroleum Refinery (CPR) pa dòrna i iluminá e área. Próksimamente lo tin un apertura ofisial di e área bunita dòrná i iluminá na Post 5 pa asina pueblo di Kòrsou kompletu por disfrutá di e totalidat.
