Ehericio militar Très Kolos a cuminsa na Marinierskazerne Savaneta

E ehercicio militar anfibio ‘Très Kolos’ a cuminsa na Aruba. Ademas di e militarnan Hulandes, Mericano y Frances, e militarnan Arubano tambe ta participa. E ehercicio aki ta tuma luga cada dos aña.

Pa ocho dia largo e hombernan di e Marine Squadron Carib, Squadron Carib, Compagnie in de West, 2nd Recon (US), 33 RIMA (Francia), grupo di barco Carib, destacamento naval  St. Maarten y e militarnan Arubano lo ehecuta varios actividad militar. 

Den e ultimo cuater dianan den cuadro di un competencia cu e.o. e siguiente departamentonan:   speedmars (move rapidamente di un luga pa otro), carera di obstaculo acuatico, cruce anfibio, tiramento y nabegacion.  

Akinan, e hombernan mester pone tur nan habilidadan millitar y personal den practica pa por ehecuta e componentenan di e ehercicio. 

Di e manera aki, ta consolida y construi e integracion entre e diferente unidadnan. Esaki ta importante pa ta semper prepara pa e retonan den Lama Caribe manera ayudo di emergencia durante e pasada di un horcan. 

Den un competencia un premio ta na su luga. E destacamento naval St. Maarten a bay cu e prome premio. 

E ehercicio Très Kolos, cual ta nifica tres color, desde 2010 ta conoci bou di e nomber aki. E tres colornan ta referi na e color di e bandera di e tres paisnan participante.