Edgard Vrolijk: Reunion riba aumento di costo di bida tabata mas riba politikeria

Fraccion di AVP a pidi aña pasa dia 16 di augustus pa e reunion di aumento di costo di bida. Dialuna ultimo Conseho di Minister tabata den parlamento pa atende e tematica aki. Durante e reunion no a haya ningun mocion, a lesa rapport pero no tabatin ningun contribucion real.

mr. Edgard Vrolijk, presidente di parlamento, a indica cu tin diferente factor a hunga un rol. E peticion a drenta dia 16 di augustus 2022, pero prome cu ne ya tabatin hala peticion. Ya caba tabatin pidi otro reunion manera bijeenkomst. Tabatin hopi peticion opnaam, esta di ambtenaar y esey ta verwijs (referi) na comision. Banda di esey tin presupuesto cu tin hoge rang, cu tin ley mas cu esey y ta atende cu eseynan. Tabatin belastingstelsel y na januari tabatin algun ley atrasa.

Awo a yega e momento y a pon’e riba rol. E peticion di MAS tambe tin hopi tempo wardando. Nan a haya un rapel, unda e presidente di parlamento a splica nan ki dia nan ta riba rol y a cumpli cu nan. Tambe mester a tene cuenta cu vakantie, pasobra hopi parlamentario ta grita pero ningun october nan no kier vakantie, tin ta biaha y despues ta bisa cu nan no por ta presente. Pa respet na democracia ta mantene nan tambe.

Tin cu tene cuenta cu Parlatino, IPKO, tin hopi factor y tambe ta tene cuenta cu enfermedad. Segun Vrolijk, tin grupo di nan cu kier tene e reunion, unda cu mester ta diesun, pero no por yama e reunion pasobra tin miembro malo. E ta haya cu no ta facil pa maneha un luga si no sa ken t’ey of no. Sa di esunnan cu ta meld so. E ta hopi fastioso manera siman pasa nan tabata diesun so y asina mes e reunion a sigui.

Nivel den parlamento

E nivel di reunion di dialuna, segun Vrolijk, no tabata di gaba. E tabata un politieke stunt partij, pasobra por tabata haci simplemente pa crea discordia, promocion di populismo. Den Vrolijk su concepto e reunion no tabata di contenido pero mas politico.

Dialuna Vrolijk a uza e reglement van orde articulo 7, unda el a fungi como parlamentario den representacion di MEP. E tabatin hopi cos di bisa, pasobra hopi dia nan a lastr’e, pero tambe insult’e. “Mester a pone nan bek na waterpas”, el a expresa. “Bo mes sa, nan no a wanta mucho sla tampoco.”

E ta sinti cu el a recorda nan un tiki di nan berdad y esey ta algo cu ta biba den cabes. Despues nan a core bay fo’i sala. Despues el a sinta bek den e stoel como Presidente di Parlamento pa sigui haci su trabou.

Debati bek

Despues di dos aña el a debati bek y el a keda cu e maña. Vrolijk a indica cu e tin experencia pa cuater aña. A debati cu AVP, un fraccion hopi mas fuerte. Pero den e caso aki e ta haya e fraccion mas fragmenta y suak.