Eagle LNG: Preguntanan ta otro awo cu a trece informacion mas detaya

Tabata un sesion hopi interesante awe primordialmente pasobra loke a purba haci prome na MFA Savaneta tabata describi e proyecto na e publico, colecta algun reaccion di nan y esey a tuma den consideracion pa e proximo stapnan den e diseño, specialmente den e aspectonan medioambiental y social.

P’esey pa e sesion aki nos kier a presenta e resultadonan preliminar y e beneficio ta cu nos a avansa mas den e diseño y e specificacionnan di e proyecto, specialmente riba e tuberia cu ta na un area cu hende a puntra hopi pasobra Savaneta tabata un area cu nos no por a specifica ki caya e ta pasa of na ki parti di e corridor; pero awo cu nos a desaroya y e compania di ingenieria por a splica e ruta di e tuberia y cu e ta safe door di e luga cu ta uza pa core e tuberia; e preguntanan for di audiencia ta mas enfoca; e ta un nivel diferente di combersacion, menos speculacion y mas tocante e diseño cu nos tin.

Mi ta kere cu e preocupacion principal ta cu a realisa cu parti di e tuberia ta riba tera, pero cu ta diseña segun e standardnan rekeri pa un instalacion na un ciudad di Merca y cu a mustra cu t’asina ta traha rond mundo; cu no ta haciendo algo robes. Otro preguntanan, segun Bastardo tabata relaciona cu Refineria di Aruba (RDA) y e standard y codigonan internacional, cu hendenan tabata contento di tende cu ta cumpli cu ne.

Pa e relato completo, lesa TREMPAN