E cifranan mas destacante di e ultimo aña parlamentario

E aña parlamentario 2021-2022 a core for di 14 di september 2021 te cu ayera 12 di september 2022. Como cu 2021 tabata un aña di eleccion,  a huramenta inicialmente esunnan cu tabata na remarca pa drenta Parlamento segun votonan obteni pa cada partido of cu a saca nan mes.

E constelacion inicial aki tabata consisti, den su mayoria door di figuranan cu mas laat a forma e conseho di minister di Gabinete Wever-Croes II, habriendo caminda pa shete otro  persona huramenta den un ceremonia posterior dos siman despues.

Parlamentario a haci un total di 1247 pregunta por escrito na gobierno, di cual 782 a haya un contesta. E parlamentario cu mas a haci pregunta, pa un gran diferencia, ta Miguel Mansur di Accion 21 cu un total di 426. Asina mes, ta solamente 258 di nan a haya un contesta. Esey ta aproximadamente 30% di e total contesta. 

Mayoria di e preguntanan haci door di Parlamentarionan tabata dirigi na Prome Minister Evelyn Wever-Croes, bou di kende e carteranan di Asunto General, Innovacion y Infrastructura, entre otro, ta cay. El a ricibi un total di 266 pregunta, di cual el a contesta 203. Resaltante ta cu Minister di Finanzas a ricibi un total di 80 pregunta, di cual el a contesta solamente 5.

Pa un relato mas amplio, lesa TREMPAN.